كشفت الإعلامية المصرية مي حلمي لأول مرة أسباب طلاقها من زوجها المطرب محمد رشاد، والذي وقع منذ عدة أشهر.
مي حلمي قال، في مقطع فيديو نشرته على خاصية الـ”ستوري” بموقع “انستجرام”: “أنا مذيعة من 5 سنين، لكن من سنتين بالظبط بدأت حياتي تبقى مشاع، من أول ما اتلغى فرحي، وعمري ما اتكلمت أو قلت أسباب وببعد حياتي الشخصية”.
الإعلامية المصرية أضافت:”الطلاق تجربة مريرة وصعبة على أي ست، وميعرفوش أنا اتطلقت ليه، عشان الغدر والخيانة من أقرب الناس ليك، كنت فاهمة حاجات كتير غلط، واتهموني اني تخليت عن الطرف التاني في ظروفه الصعبة، إزاي؟.. انا اكتشفت ان مكانش في ظروف صعبة أصلا”.
ووجهت الشكر للمنتجة سارة الطباخ والإعلامية ريهام سعيد، مؤكدة أنهما وقفتا بجوارها في هذه الأزمة، حيث قالت: “سارة الطباخ وقفت جمبي، وريهام سعيد أنتي نعمة الصاحبة، كنتي في ضهري من يوم الفرح تكلميني تطمني عليا، معملتش أي حاجة غير أنها وقفت تدافع عن واحدة متعرفهاش غير أنها زميلة بس.. فعلا ستات جدعة ودعموني”.
وفي أول تعليق لمحمد رشاد على تصريحات طليقته مي حلمي، كتب على خاصية “ستوري” بموقع “انستجرام”: “إن الله حليم ستار، وإذا بليتم فاستتروا والسكوت مش ضعف ولكن اتقي شر الحليم إذا غضب”.
ونشر مقطع فيديو، قال فيه: “أنا لحد دلوقتي ساكت وكافي خيري شري ولا بجيب سيرة حد ولا بالحلو ولا بالوحش لأن تربيتي وأخلاقي تمنعني اتكلم عن حد، كل تجربة عدت عليا اتعلمت منها ومفتحتش عنها كلام، والناس بتميز مين الحلو ومين الوحش ومين اللي بيمثل وبيتعامل بطبيعته وتربيته”.
وتابع: “بس الأصول اللي متربي عليها متمنعنيش إن لما حد يسوء سمعتي اني أبدا أرد بطريقته لأني احترمت حاجات كتير وسكت، فإن الله حليم ستار”.
وكان محمد رشاد قد أكد أنه طلق زوجته مي حلمي 3 مرات، وبالتالي لا يمكن لهما العودة لحياتهما الزوجية مجدداً وفقاً للشريعة الإسلامية.
رشاد فاجأ متابعيه عبر انستجرام، وكتب: “قبل أي شيء.. بسم الله الرحمن الرحيم.. الطلاق مرتان فإمساك بمعروف أو تسريح بإحسان. صدق الله العظيم”.
وأضاف: “الآية الكريمة دي بتلخص تفاصيل كتير مش هدخل فيها لأنها تخصني وتخص طرف تاني كان في يوم جزء من حياتي”.
وتابع: “وبعد 3 مرات طلاق أكيد مينفعش نكمل وكأنه محصلش.. أنا بطلب من كل الناس سواء بتحبني أو لا بتتابعني أو متعرفنيش أصلا إنهم يعدوا الموضوع كأنه مجاش قدامهم لإني مهما شفت من تعليقات سخيفة أو كويسة أو حتى هجوم من حد مش هتكلم عن تفاصيل زواجي بالحلو أو الوحش. وفي الأول والآخر ياريت نراعي إن البنت بتتأثر بالكلمة الوحشة قبل الحلوة”.
واستطرد: “قضينا أيام منها الحلو ومنها اللي مش حلو وكل شيئ نصيب وقدر من ربنا وبتمنى كل الخير والسعادة للناس ولإنسانة طيبة وليها مكانة في قلبي والنصيب والعشرة انتهت لحد هنا. ودا هيكون آخر حاجة ممكن أقولها بخصوص الموضوع دا”.
