بمجرد أن كتبت النجمة السورية أصالة تدوينتها التي أعلنت فيها صدمتها من تصرفات زوجها السابق المخرج طارق العريان وظهوره مع حبيبته الجديدة نيكول سعفان، علنا ضمن احتفالات العام الجديد مؤخرًا، وانهالت عليها التعليقات التي ساندتها ودعمتها في مشاعرها الحزينة تجاه والد طفليها علي وآدم، لكن البعض أيضا انتقدها بسبب تعبيرها عن مشاعرها وكسرتها على الملأ.
ودخل على خط الانتقادات لها، هالة العطال الزوجة الأولى لطارق العريان، والتي كتبت تدوينة طويلة انتقدت فيها أداء أصالة في عتابها لزوجها السابق وكشفت عن مشاعرها أيضا عندما ارتبطت أصالة بزوجها.
وبعد فترة قصيرة، أعلنت هالة العطال، أنها تعرضت لتهديدات بعد هجومها على الفنانة أصالة نصري، مؤكدة أنها ستتقدم ببلاغ لمباحث الإنترنت ضد من هددوها.
هالة كتبت، على صفحتها الشخصية بموقع “الفيسبوك”:”طيب أنا نزلت تاني البوست بتاعي، لأني مش بخاف وأنا اتعرضت لتهديد”.
وأضافت: “وكمان الناس اللي دخلت على صفحتي بكلام عني، وعن ابني، وعن أبوه، حاجة مش طبيعي، عشان كده أنا كلمت المحامي وهتقدم ببلاغ لمباحث الإنترنت، وهقول كلمة بس النهايات أخلاق”.
وكانت قد كتبت هالة العطال في هجومها على أصالة: “دي أول مرة ممكن أرد فيها، الصورة قاسية عليكي؟، طيب أنا لما كنت بشوف ألف صورة، وابني مش موجود فيها، يا ترى إحساسي كان إيه؟.. كان أكتر من قاسي، كان مقهور”.
وتابعت في تدوينتها: “طيب لما كنتي بتكتبي العائلة وابني مش موجود فيها، إحساسه هو كان إيه؟ أولادك عندهم أب، أيمن الذهبي حي يرزق، لكن ابني كان عنده أب واحد بس، وللأسف مش هقدر أقول تفاصيل، طيب لما كنا بنحاول نتكلم كان ردك إيه، يا ترى قاسي، ولا حنون زي ما انتي دلوقتي، الجواز والحب والعشرة في تفاصيل ماحدش يقدر يعرفها، طيب مافكرتيش في يوم من الأيام إن ممكن الأب يشتري ابنه اللي من دمه، ويرفض الظلم”.
وأضافت في هجومها على أصالة: “طيب مافكرتيش إن في نفسية ولد ممكن تتدمر، طيب دلوقت أولادك زعلانين من الكسرة، طيب يتكلموا معه ليه لحد دلوقت، أرجوكي كفاية في أولاد وأنا من حقي أدافع عن ابني اللي نفسيته بقيت مش حلوة، من كتر الحرب على أبوه، كفاية بعد الانفصال اللي كنت بتمني استمرار ليكم وربنا يشهد عليه، بس ده نصيب الأهم دلوقت الأولاد”
واختتمت طليقة طارق العريان الأولى، ووالدة ابنه الأكبر، قائلة: “كفاية تشهير في طارق، هو مش خاين وانت عارفة ده كويس جدا والأهم من الراجل دلوقت الأولاد بس، بلاش نشوه الصورة وهو حر وانتي عيشتي معه ١٣سنة وانا عشت ١٠سنين، وماعملتش أي حاجة من دي عمري، لأن الأهم كان ابني مش أنا، أرجوكي كفاية من فضلك لأن طارق أحسن أب في الدنيا مع أولاده وانتي عارفة ده كويس”.
