كشفت غادة العريان، زوجة شقيق المخرج المصري طارق العريان، تفاصيل جديدة حول طلاق طارق وأصالة، مؤكدة على دعمها وتعاطفها مع الفنانة السورية
غادة العريان قالت، في تسجيل صوتي لبرنامج “et بالعربي”: “أصالة دخلت عيلة طارق العريان وكانت انسانة جدعة وجميلة جدا وواقفة مع كل شخص، وأنا في صف أصالة، وهي اتظلمت، ظلم أصالة أنها حبت طارق جامد، وكانت الفترة اللي فاتت مستنية إنه يطلقها ولحد أخر وقت متكلمتش”.
وعن هجوم هالة العتال، طليقة طارق العريان الأولى، قالت: “فترة زواجه مع أصالة، طارق كان رافض يكلمها ولا عمرهم كانوا صحاب، لكن أنها تكتب أنهم صحاب ده كلام غلط تماما، أنا معرفش طارق مردش على هالة ازاي، أنا مستغربة أنه سايبها تتكلم”.
وكذّبت تصريحات حبيبة طارق العريان نيكول سعفان، والتي قالت فيها أنها ليست السبب في طلاق طارق العريان وأصالة، وأنها لم تتعرف عليه إلا بعد انفصالهما، وهو ما كذّبته غادة العريان، بتأكيدها أن نيكول كانت السبب في انفصالهما.
حيث قالت: “صورة طارق مع نيكول ضرر للأولاد أكتر من أصالة، خاصة أنهم عارفين أنها كانت سبب في الخلاف بين أصالة وطارق.. أصالة اتحملت كتير”.
وكشفت عن موقف عائلة طارق العريان، قالت: “العيلة كلها اتدخلت لكن دي حرية طارق الشخصية محدش هيقدر يفرض على حد حاجة، وبقول لأصالة استحملي الله يكون في عونها وإن شاء الله ربنا يقدرها وتطلع من اللي هي فيه”.
وكانت زوجة طارق العريان الأولى هالة العتال قد نشرت خلال الأيام الماضية رسالة طويلة ردت فيها على هجوم الفنانة أصالة على طليقها طارق العريان، وانتقدت هالة العتال ما قامت به أصالة في حق طليقها وابنها الوحيد عمر الذي أكدت أنه يعاني من أزمة نفسية بسبب ما يحدث مع والده، رسالة هالة العتال ردت عليها سيدة تدعى غادة العريان والتي أوضحت أنها زوجة شقيق طارق العريان.
غادة العريان هاجمت هالة العتال وأكدت أنها المتسببة في أزمة نجلها وليس زوجة والده السابقة أصالة التي سعت للتقرب من هالة العطال لكن الأخيرة هي من رفض ذلك فكتبت غادة العريان في تعليقها: “انتي يا هالة بتكلمي علي ابنك طب خلي عندك دم انتي اللي طول عمرك رمياه وضيعتيه وجايه تتهمي اللي كانت زوجة ابوه والتحريض اللي دايما كنتي بتحرضيه عليها، واللي كنتي بتعمليه نسيتي!، ان كنتي ناسيه افكرك أصالة أول ماتجوزت طارق حاولت تصاحبك عشان خاطر عمر وانتي عملتي ايه واحده زيك بوظت نفسيه ابنها وجايه دلوقتي تتكلمي، أنا زوجة اخو طارق غادة فكراني”.
غادة العريان دافعت عن موقف الفنانة أصالة وأكدت أن طارق العريان لا يستحق طيبة قلب أصالة، وطلبت غادة العريان من هالة العطال عدم البحث عن الشهرة بسبب الأزمة الواقعة بين كل من الثنائي طارق العريان وأصالة فقالت: “ياما شوفنا منك ومن اللي بتعمليه أصاله أشرف وأحسن ست طارق اتجوزها، لكن هو مالوش في الطيب نصيب كان لازم يفضل معاكي عشان انتي زيه مش واحده زي أصالة، لمي نفسك يا هالة واوعي تنسي نفسك وتحاولي تشهري نفسك علي حساب اشرف واطيب واحن قلب في الدنيا أصالة، وهي كانت حرام في عيله العريان لو خايفه وزعلانه علي ابنك جربي كده هو هايرضي ييجي يعيش معاكي؟”.
