احتفلت الإعلامية أسما شريف منير بالسنة الجديدة لعام 2021، عبر حسابها الرسمي على موقع تبادل الصور والفيديوهات «إنستجرام»، على طريقتها الخاصة، من خلال جلسة تصوير برفقة زوجها الفنان محمود حجازي، وظهرا خلالها على متن يخت.
وأرفقت أسما منشورًا تعليقًا على الصور التي شاركتها برفقة زوجها، متغزلة فيه ومتحدثة عن السنة الماضية والصعوبات التي واجهتهما، قائلةً «كنت عايزة أعيد عليكم في أول يوم في السنة الجديدة بدل آخر يوم في السنة اللي قبليها، أنا عارفة إنه كله كاره 2020 بس حقيقي أنا اتعلمت فيها حاجات كتير عن نفسي أصلاً قبل أي حاجة».
وتحدثت أسما عن زوجها، قائلةً «أنا ومحمود عدينا بمراحل كتير في جوازنا في الكام شهر بتوع القاعدة الوش في الوش دي، في العادي كان ممكن نعدي بها بعد سنين، اتخنقنا واتكلمنا واتفاهمنا، خوفنا وحلمنا، قرينا واتفرجنا، كلنا وخسينا، بجد كم حاجات تتعمل في سنين، ربنا مش بيجيب حاجة وحشة».
وتابعت أسما خلال منشورها، «العالم كله برضو إتك على الطبيعة جامد كانت لازم تفرقع في وشنا وتخلينا نريح على جنب شوية عشان تعرف تتنفس..أنا كده كده على طول عندي أمل إن اللي جاي أحسن ودي تركبيتي، أول كام شهر دول بس يعدوا وإن شاء الله بقيت السنة الدنيا هتظبط.. ده أملي السنة دي».
وتألقت أسما شريف منير بإطلالة جذابة، مزجت بين الأناقة والبساطة، مرتدية فستانًا طويلًا مجسمًا، بأكمام طويلة، مصمم من قماش ناعم، باللون اللبني المزركش بدوائر بيضاء، عكست إطلالتها تناسق قوامها الممشوق.
أما من الناحية الجمالية، زينت خصلات شعرها الطويل الذهبي الذي تركته منسدلًا فوق كتفيها ببندانه أنيقة متناغمة مع لون فستانها، ووضعت مكياجًا جذابًا مرتكزًا على الألوان الترابية مع تحديد عينيها
بينما تألق محمود حجازي بإطلالة كاجوال أنيقة متناغمة مع إطلالة زوجته أسما شريف منير، مرتديًا قميص لونه لبني ونسق عليه بنطال جينز بلون الأزرق الفاتح.
وعلق على الصور، قائلا: “حبيت أول صورة أنزلها في بدايه السنه دي 2021، تكون مع اكتر إنسانه قريبه مني ونصي التاني أسما شريف منير، بحبك ربنا يخليكي ليا والسنه دي تبقي مليانه خير وتحقيق احلام وطموح وحب سعاده ويارب للناس كلها”.
ولقيت جلسة التصوير التي شاركتها أسما شريف منير، عبر حسابها على موقع إنستجرام، استحسان المتابعين، وتفاعل عدد كبير منهم معها، إذ حصدت آلافا من تسجيلات الإعجاب، ومئات التعليقات، والتي كان من أبرزها، «ربنا يخليكم لبعض، يا جمالكوا يا جمالكوا، قمرات يا جماعة، ربنا يحفظكم لبعض، بحبكم أوي، انتوا أحلى كابل في الوسط الفني، هابي نيو يير أسما».
