دعوات الفنانين لخالد النبوي بعد إصابته بمضاعفات فيروس كورونا

عبر النجوم عن حبهم ودعمهم لصديقهم الممثل خالد النبوي بعد إعلان نقله للمستشفى إثر إصابته بفيروس كورونا.

استغل عدد من النجوم مساحاتهم الخاصة عبر مواقع التواصل الاجتماعي للدعاء ودعم النبوي كاتبين:

نشوى مصطفى كتبت: “عارف ياخالد انا بحبك اوى ليه — مش بس علشان وجودك فى وسط بانتمى ليه حاجة تدعو للفخر — ومش علشان احنا زملا دراسة و مهنة — لكن علشان انت انسان عظيم — مش حانسى وانا عيانة لما كلمت أمى تطبطب عليها وتطمنها وتقول لها انا ابنك — الله يشفيك يارب ياغالى ويطمن قلب اهل بيتك وكل حبايبك عليك — وربنا يزيح عن العالمين وباء كورونا يارب وينجينا آمين”.

وكتب طارق لطفي: خالد دفعتي وصديقي سلامتك سلامتك سلامتك سلامتك.

وكتب محمد جمعة: فيه مثل شعبي بحبه قوي
بيقول اللي ما يعرفكش يجهلك
واللي مايعرفش خالد النبوي كإنسان يجهله
خالد النبوي انسان طيب عنده سلام داخلي عظيم
بيحب الناس وبيحب فنه وبيحترمه قوي قوي
ربنا يشفيك يا صديقي المحترم وتقوم بالسلامه تمتعنا بفنك
قولوا آمين.

وكتب حمزة العيلي:سلامتك ياحبيبى ربنا يشفيك ويعافيك وهتقوم بالسلامة إن شاء الله

وكتبت ريم العدل: ادعوا للاستاذ خالد النبوي يارب يقوموا بالف سلامة يارب.. ????????.

وكانت الكاتبة فريدة الشوباشي أعلنت أن حالة النبوي مستقرة وتتحسن، كما غادر العناية المركزة.