بالفيديو..أحمد شيبة يهاجم سمر يسري: لما تقدميني قولي مطرب عمل 40 مليون مش سمكري
هاجم الفنان أحمد شيبة الإعلامية سمر يسري بسبب طريقة تقديمها له في أحد البرامج التليفزيونية.
وخلال لقائه مع المخرجة إيناس الدغيدي في برنامج “شيخ الحارة والجريئة” على قناة القاهرة والناس، قال أحمد شيبة: “المقابلة كانت غلط من البداية. المعد دخل وسلم على مصطفى حجاج ووضع له السماعات ومشي وأنا قاعد جنبه، قلت له إيه يا عم هو أنا عندي تنيا! إنت ولا سلمت عليا، ولا وضعت لي سماعات، هو ده مقلب؟”
وأضاف: “التقديمة كانت غلط من الأول، لكن جمهوري جابلي حقي وربنا الأول. لما تقدميني تقولي المطرب اللي عمل 40 مليون في 15 يوم أو 20 يوم. دلوقتي بيعملوا مليون ويقولوا تريند. أنا كنت عامل في أسبوع 40 مليون، وأغنيتي عاملة 500 مليون لغاية دلوقتي. مش أول ما تقدميني تقولي اللي كان سمكري.”
وأوضح أحمد شيبة أنه وصل في التعليم إلى الصف الثالث الإعدادي: “كنت شغال عامل وبأذاكر، ومحصلش نصيب أكمل تعليمي، كل واحد وظروفه.”
