بالفيديو – محمد ممدوح ساخراً: “يعني لو خسيت هابقى أحمد عز؟”
رد الفنان محمد ممدوح بطريقة طريفة على سؤال الإعلامي شريف عامر، خلال استضافته في برنامج “يحدث في مصر” على قناة MBC مصر: “ناوي تخس تاني؟ ولا بتقول الناس حاباني وأنا تايسون”، فرد قائلا: “حاشوف، معنديش مانع. وأنا برضه لما أخس مش حابقى أحمد عز. لو جالي دور واقتنعنا أنا والمخرج إني محتاج أعمل كده حاعمل كده حالاً”.
وعن تشجيع الفنان يحيى الفخراني له، قال: “هو له بعد ربنا سبحانه وتعالى فضل كبير في موضوع إني أخس. قال لي خس عشان صحتك مش عشان التمثيل، وأنا قلت له ممكن الفرق يبقى طفيف بس حتشوف الفرق. وقال كلام جميل جدا على مسلسل قابيل، وكلمني كمان وإحنا بنعمل زيزي، وبعدها كلمت كريم قلتله فركش خلاص متعملش الحلقة الأخيرة.”
واستضاف شريف عامر في هذه الحلقة أبطال مسلسل “خلي بالك من زيزي” الذي عرض رمضان الماضي، وهم أمينة خليل، ومحمد ممدوح، وعلي قاسم، إلى جانب مخرج المسلسل كريم الشناوي، المسلسل من تأليف مريم نعوم.
