ميمي جمال تتحدث عن شروط عودتها للتمثيل (فيديو)
أعلنت الفنانة ميمي جمال رغبتها في العودة للتمثيل من خلال دور مؤثر يناسبها، وذلك بعد قرار الاعتزال الذي اتخذته بعد رحيل زوجها، الفنان حسن مصطفى.
وخلال مداخلة هاتفية مع الإعلامية جاسمين طه في برنامج “مساء dmc”، قالت ميمي جمال: “أنا بقالي فترة بعد ما طبعا ظروفي اتحسنت، وبناتي كل واحدة في بيتها، وأنا لقيت ممكن أشتغل، أولا بدل ما أنا قاعدة لوحدي مبعملش حاجة. بالعكس، أنا بحب التمثيل جدا من صغري، تحسي زي ما يكون سمكة خرجت من المية عايزة ترجع تاني.
وكشفت ميمي جمال عن تلقيها عرضا بالمشاركة في مسلسل من إخراج محمد النقلي، تشارك في بطولته الفنانة سوسن بدر.
وعن هذا الدور قالت: “الفترة اللي فاتت اتعرض عليا مسلسل وأنا قريته ومكانش عندي مانع. بس الدور بالنسبالي مش هو اللي أنا أرجع بيه، عايزة أرجع بحاجة أحسن شوية، لكن المسلسل جميل جدا، وربنا يوفق أستاذ محمد النقلي، ومدام سوسن البدر، وكل الموجودين في المسلسل.
وعن وجود شخصية معينة ترغب في تجـ سـ يدها، قالت: لأ مش شخصية معينة، لإن أنا اشتغلت شخصيات كتير، أنا عايزة الدور يبقى مؤثر وله تواجد أكتر، زي شغلي قبل كده.
يذكر أن ميمي جمال شاركت قبل اعتزالها في فيلم لف ودوران مع أحمد حلمي عام 2016، وفيلم ضغط عالي عام 2019.
