تعرضت الإعلامية المصرية بسمة وهبة لموقف صعب، بعدما اشتعلت النيران في مركبها الخاص اثناء تواجدها في عرض البحر بالساحل الشمالي، وأطلقت استغاثة عاجلة من أجل إنقاذها، وقررت فور نجاتها العودة إلى القاهرة، مؤكدة أنها صارت تتشاءم من الساحل الشمالي، علما أنها نجت من حادث موت العام الماضي بنفس المكان وكانت بصحبتها المطربة أصالة.
بسمة وهبة نشرت فيديو عبر حسابها على إنستقرام، كشفت فيه عن حريق في مركبها بالساحل الشمالي، وعلقت قائلة: جماعة أي حد عنده مركب في مارينا 5 من أصحابي، ممكن يتصل بيا لأن المركب عطلانة بيا أنا وخديجة، لأن المركب اللي أنا فيها غالبًا مولعة من تحت والمركب واقفة بينا.. مفيش قلق ومفيش حاجة ولو حصل حاجة هنط في الميّه.
وبعدها بقليل ظهرت بسمة وهبة لطمأنة جمهورها ومتابعيها على صحتها، قالت فيه: الحمد لله والشكر لله إحنا كويسين أنا وخديجة، أول 3 ثواني من الفيديو كان صاحبتي وجوزها شافوه وأنقذونا وركبنا مركب تاني ورجعنا البيت، مش عارفة الصيف دايمًا بيجب لينا حاجات كده حوادث مائية، السنة اللي فاتت الجت سكي والمرة دي المركب، الحمد لله ربنا بيكرم.
وعلقت على الفيديو قائلة: الحمد لله اللي جت ع كده يا رب دايمًا في الحديد ولا فينا ولا في غالي فينا.
وسبق أن تعرضت بسمة لحداث مروع في نفس المكان العام الماضي وانقذتها المطربة السورية اصالة من الموت بأعجوبة، بعد تعرضهن لحادث مروع داخل البحر كاد أن يؤدي إلى غرقهن، ونشرت بسمة مقطعا مصورا للحادث، عندما اصطدم چيت سكي، كانت تستقله في البحر، مع أصالة، بالصخور.
وعلقت بسمة على الفيديو قائلة: أنا وأصاله تعرضنا لحادث كبير وبفضل الله نجونا من الموت بأعجوبة. واصطدمنا بالصخور وانا اترميت برأسي ع الصخر وفقدت الوعي ووقعت في القاع، وأصاله رغم وقوعها صممت تضرب الموج وتخبط وتنادي حد ينقذني.
وتابعت قائلة: انا فوقت لقيت نفسي في مركب ناس طيبين ووشوش حواليا كل واحد بيحاول ينقذني من الميه اللي دخلت جسمي وانا فاقده الوعي ومن النبض ودقات القلب والدم اللي كان طالع من الجروح اللي في رجلي شكراً يا حبيبي يا رب يا رحمن رحيم بعبادك.
