حج 14 مرة وألزم زوجته بالحجاب ومنعها من الفن.. واقعة في السجن غيرت حياة سعيد صالح
أسرار الفنان سعيد صالح كثيرة ومنها أنه حج 14 مرة وحجب زوجته ومنعها من الفن خاصة بعد تجربته في السجن.
أسرار الفنان سعيد صالح كثيرة رواها بنفسه في مقابلة تليفزيونية مع الإعلامي عمرو الليثي الذي وجه إليه أسئلة جريئة.
سعيد صالح كان واحدا من المع نجوم الكوميديا في السينما والمسرح عاش مواقف كثيرة في حياته أهمها دخوله السجن.
خلال تلك الفترة حدثت معه قصة مثيرة رواها بنفسه وكانت سببا في تغيير مجرى حياته.
لماذا منع الملك سعود أم كلثوم من الغناء في لبنان وماذا أهداها الملك عبدالعزيز؟
دارين حداد تبهر الجمهور باللون الكحلي في حفل افتتاح ممشى أهل مصر.. شاهد
في مقابلة مع الإعلامي عمرو الليثي تحدث سعيد صالح بمنتهى الصراحة.
سأله الليثي عن سبب حجه 14 مرة وقراره بحجاب زوجته ومنعها من الفن مع انها كانت ممثلة جيدة في بدايتها..
سعيد صالح رد على الليثي وقال له: لاني كنت محتاج لده وهي كمان كانت محتاجة ده، كنت بحبها وخايف عليها، من الفن والوسط الفني، وكنت خايف من ربنا .
فسأله عمرو الليثي وقال : طب والعمرة يا عم سعيد ؟!
رد عليه الفنان سعيد صالح : كنت بني ادم زي اي شاب، بعمل كل حاجه وطايش وبتاع حاجات من دي.
وأضاف: فجأة دخلت السجن قعدت سنه ..السنه اللي قعدتها في السجن كانت سبب تغيير حياتي خالص.
وبدأ سعيد صالح يحكي القصة وقال: قابلني واحد اسمه عم يوسف لسه بعرفه لغاية دلوقتي.
وتابع: هو عرف اني موجود ف السجن، فبعتلي فمروحتش، وبعدين قررت اروحله.لقيت زنزانته مليانه خير وأكل ومليانه ناس وعساكر!!
كان تمامنا الساعه ٥ في السجن، وبعدها بيقفلوا كل الزنازين، الا هو كانوا بيقفلوا زنزانته، بعد معادنا بساعتين.
واستكمل: خدني وطلعنا جرينا في السطح ولقيته بيقولي مش عايز ربنا يكلمك ؟
قولتله ربنا ؟! .. يكلمني انا ؟! طب ازاي ؟
تغير كبير
قالي اقرا قران هتلاقي ربنا بيكلمك ..سمعت الكلام ده وروحت جايب مصحف وبقيت اقرا واحفظ واسمعله.
وأضاف سعيد صالح: بقيت بصلي واصوم ولقيت السنه مرت جميلة جدا، وعرفت حاجات كتير كانت غايبه عني …
وتابع: خرجت من السجن قولت يارب عمرة بقه ..طلعت حجه .. حجيت ١٤ حجه ورا بعض.
واستكمل: سنه واحده بس اللي محجتش فيها، اللي هي السنادي بتاعة انفلونزا الخنازير لكن ان شاء الله هكمل، والسنة الجاية هعمل حجة ..
لما روحت لقيت صدري انشرح كدا، وحبيت الحكاية واتدينت جامد وانا اصلا والدي كان ازهري وكان عايز يطلعني حافظ قران بس انا طنشت وكان طيش الشباب بقى.
-عمرو الليثي سأل سعيد صالح سؤال جريء لكن الفنان الراحل رد عليه بمنتهى الصراحة اللثي قال لسعيد صالح: خايف من مقابلة ربنا يا عم سعيد ؟
رد سعيد صالح وقال ماهو لازم اخاف وكلنا نخاف بس احنا لو وضبنا نفسنا مش هنخاف ..اينعم ليا تاريخ مزفت بس اللي عملته هيغفرلي ان شاء الله، وانا واثق ان ربنا هيغفرلي ..
الفنان سعيد صالح قدم أعمال كتير ناجحة منها مدرسة المشاغبين والعيال كبرت وهالو شلبي وكان معروف بصداقته القوية بالفنان عادل إمام اللي شاركه كتير من أعماله السينمائية..
