هو أنا مرات أبوها.. انتصار تهاجم شيماء سيف وتكشف حقيقة ما جرى في “نفسنة”
انتصار تهاجم شيماء سيف كاشفة تفاصيل الخلافات التي حدثت بينهما في كواليس برنامج نفسنة
انتصار تهاجم شيماء سيف وتعلق على اتهاماتها بتدبير مؤامرة مع هيدي كرم لاستبعادها من البرنامج
الفنانة المصرية قالت خلال لقائها ببرنامج “العرافة” الذي تُقدمه الإعلامية بسمة وهبة، عبر شاشة «المحور»: هو أنا مرات أبوها.
أراد أن يُحرق جسده بعد الرحيل واختار مقبرة في الصحراء.. حكاية رشدي أباظة مع الموت
خطبت لفنان شهير ولم تتزوجه وخاصمت سعاد حسني حتى وفاتها..أسرار الفنانة ليلى حمادة ومن هو زوجها..صور
وأضافت: هي عملت مسلسل وقالت كنت ماشية وعديت وسمعتهم بيرتبوا لقصة علشان أمشي من البرنامج.
وأكلمت: فتحت الباب وواجهتنا.. هي مفيش حاجة عندها في البرامج وبتدور على أي حاجة تتكلم فيها.
وتابعت: نفسنة كان أول حاجة تعملها شيماء سيف وأنا اللي مشهورة في حياتها علشان كده باسمع سيرتي في البرامج على طول ولا أعلق.
وواصلت قائلة: كنا فعلا بنتكلم عنها في الأوضة بس مكناش بنجيب سيرة والدها أو والدتها.
كنا بنتكلم عن الشغل وعملت مشاكل كتير علشان كده كنا بنتكلم.
أنا النجمة
ونفت انتصار، أن يكون إستبعادها من برنامج “نفسنة” الذي كانت تقدمه مع الفنانتين هيدي كرم وشيماء سيف، بسبب ذلة لسان.
وتحديدا قولها “أنا النجمة هنا”، وقالت: التعالي مش من صفاتي، أنا بقالي كتير بشتغل، أنا طيبة جدا.
وأضافت: ولما أقول أنا النجمة هنا ده حقي، أنا قلت أنا النجمة، الناس بتستغرب ليه لما أقول أصل أنا الجامدة أوي.
أصل أنا الحلوة أوي وأهم كوميديانة في مصر، الناس مستكترة عليّ ليه اللي أنا فيه.
وتابعت: هو أنا أفضل أشتغل 20 سنة ولما آجي أقول أنا مشهورة يتقال إني متعالية؟!
بطلة مسلسل توبة قالت: أنا مشهورة، اللي مش عاجبه إني مشهورة يضرب راسه في الحائط.
وواصلت قائلة: ممشتش من البرنامج بدليل إني كملت بعد كده، لكن أنا مشيت لأن عندي مسلسلات كتير.
وكشفت: بما إني أنا النجمة فأنا أكتر واحدة بشتغل في السوق، مسلسلات وأفلام ومسرحيات، الضغط عالي جدا، ومفيش تعاون من القناة في تنظيم أيام التسجيل.
وأوضحت انتصار: بسجل 3 أيام كل 15 يوم، ولما يكون عندي مسرحية في إسكندرية ومسلسل، يبقى نتعاون مع بعض شوية.
واستطردت: سجلوا مع حد غيري أنا قابلة تجيبوا حد تاني لحد ما أشوف شغلي في الإسكندرية.
واختتمت: رفضوا كل حلولي، وشعرت بالتعنت، ومع شوية هيصة، وعند أول تلكيكة خلعت.
