كشفت الفنانة المصرية ريم مصطفى عن حياتها الشخصية وفاجأت الجمهور بخبر من العيار الثقيل إذ كشفت للمرة الأولى أنها مطلّقة ولديها ولدان هما عمر وعلي، مؤكدةً أنها كانت تتعمّد إخفاء معلومة أنها أم لأسباب شخصية.
وقالت ريم في مقابلتها ضمن برنامج “كلمة أخيرة” الذي تقدّمه الإعلامية لميس الحديدي عبر قناة ON: “تزوجت صغيرة جداً في عمر 19 سنة وكانت من أهم التجارب في حياتي وتعلمت منها أن أهم شيء كيف نختار شريك الحياة، ومن حُسن حظي أن زوجي محترم وابن ناس وراقي والطلاق كان بسبب أننا مختلفين عن بعض مش عشان حاجة تانية ومش لازم الطلاق يعني أننا نفرّج الناس علينا ونروح محاكم وأبو ولادي بتربطني بيه علاقة صداقة واحترام… ولو وقعت في مشكلة في يوم ما سألجأ لطليقي، والحاجة الوحيدة اللي اتفقنا عليها إننا نربي ولادنا كويس وتزوجت لمدة عشر سنوات وطلاقنا سببه الاختلاف بينّا وعمرنا ما تخانقنا”.
ولادي بيقولولي يا رورا.. ريم مصطفى تتحدث عن علاقتها بأبنائها#كلمة_أخيرة #سوتس_بالعربي@ReemMoustafa pic.twitter.com/ohZAIQ2HFh
— كلمة أخيرة مع لميس الحديدي (@KelmaAkhira) June 13, 2022
وأضافت: “مابحبش أدخّل الناس في حياتي الشخصية، لأن الشائعات دمها تقيل، والناس بقى دمهم تقيل وبيتدخلوا في حياة الآخرين، وأنا اتفقت مع ولادي على كده، هم طلبوا مني أنهم يفضلوا بعيد”.
وتحدثت ريم مصطفى عن علاقتها كأم بابنيها قائلة: “أنا أم جيدة، ولادي أصحابي المقربين، والعلاقة اللي بينا الناس لما تشوفها بيتخضوا، مابيقولوش ماما، بينادوني (رورا) وبتكلم معاهم في كل حاجة ممكن تتخيليها، لو معجبة بواحد هروح أقول لهم”.
وأضافت: “ولادي ما بعملش حاجة غير برأيهم، إحنا أصحاب أوي، وهم اللي عملوا لي تست الكاميرا في الأول خالص”، لافتةً إلى أنها لا تستشير ابنيها في اختيار أدوارها لأنها تضع حدوداً تخص شخصيتها، بالقول: “مش هيقولوا ريم كانت هتعمل مشهد ومعملتوش عشان خاطر أولادها، لأ، أنا اللي مش هعمل ده عشان مش عايزة أعمله”.
وردت ريم مصطفى على سؤال الإعلامية لميس الحديدي: “معقولة كل الجمال ده والشطارة في المطبخ ومفيش راجل لحد دلوقت، لترد قائلة: لا مفيش في الوقت الحالي لكن ممكن يبقى فيه بكره، وأكيد كان فيه حب سابق محدش مننا غير ما مر بده”.
وأضافت: “المشكلة أنهم بيعتقدوا أن علاقات الحب بسيطة وبياخدوها ببساطة شديدة وعشان كده أي واحدة وواحدة في علاقة لازم يعرفوا هما بياخدوا القرارات إزاي فيه ناس بتبقى عاوزة تتجوز وخلاص، وبعد كده يحصل الصدام وينتج عنه طلاق كتير وده بنشوفه في علاقات كتيرة حوالينا”.
