“بسبب خيبة الرجالة” محمود سعد يهاجم والد حسام حبيب بعد تصريحاته عن ابنه “تربية واحدة ست”-تفاصيل
علق الإعلامي المصري محمود سعد، غاضبًا على تصريحات حسين حبيب، والد الفنان حسام حبيب، بعد مداخلته الأخيرة مع الإعلامي عمرو أديب وإنكـــاره معرفته بوالده، مؤكدًا أنه تربية واحدة ست.
وقال محمود سعد، في حلقة جديدة من برنامج “ونس” على قناته بموقع يوتيوب: “إمبارح الأب حب يعاتب ابنه ويقول له كلام جـــارح ومهين، إنت عملت وسويت أصلك تربية واحدة ست، وإذا كان كتب الكلام ده فعلا لازم تعـــتذر لابنك”.
وأضاف: “الستات بتربي العيال بسبب خيبـــة الرجالة وظلمهم وقهـــرهم للستات، لإن الأب مشغول مش فاضي، أو يروح يتجوز واحدة تانية ويسب لها العيال تشتغل وتكافح، تقوم تقول له إنت تربية ست تقصد بها الإهـــانة! أظنك كنت تقصد بيها الشرف وإن الست عرفت تربي”.
وتابع: “الست لما تربي نعمل لها احتفالات ونقول لها إنت ست عظيمة وكافحتي، لإن مش ضمن مسؤوليتها الأساسية تربي وتنفق وتعمل كل حاجة، وأنا من أجمل الحاجات اللي حصلتلي إني تربية ست، وعرفت يعني إيه جدعنة وشهامة، وست عندها أربع عيال والشارع كله بيحترمها”.
تصريحات محمود سعد عن والده
وتحدث محمود سعد عن والده للمرة الأولى، وقال «سعد» في ***** عبر صفحته الرسمية بموقع فيس بوك: «يوم ما انتقل والدي إلى جوار الله، كنت بقول إني مش هزعل لأن بيني وبينه كثير من هجر وغـــدر وجرح في قلب، بيني وبينه طريق وفراق وطريق هو اللي بداه، والدتي فضلت 27 سنة تربي في 4 عيال، مهتمتش ولا استمتعت بحياتها، أسرتها كانت عادية، لكن ربنا ساعدها. لما والدي توفى كنت في مكتبي، والدتي بلغتني وطلبت ***** أروح له بسرعة، وبالفعل، سيبت الشغل ونزلت، والدي كان موصي أخويا الكبير قبل ما يموت إنه يدّفن مع جدتي من أمي لأنه كان بيحبها جدًا، والدتي طلبت ***** أنزّل نعي في الجرنال، قولت لها الناس متعرفش إني ليا أب أصلا لكن أمي أصرت على إننا نعمل عزاء».
وأضاف: «لما والدي توفى متأثرتش ولا كنت حاسس بحاجة، أنا حتى مش فاكر هو مات إمتى، لأن أبويا كان خالع نفسه من حياتنا رغم إنه كان غني، ورغم إن تربية أمي نجحت ومطلعتش مجرم ولا صايع، لكن لغاية دلوقتي لما أسمع حد بيتكلم عن أبوه بتضايق، ولما كبرت بقيت أقول أبويا قالي إيه أو إيه الذكرى اللي سابهالي ملقتش حاجة».
وأردف: «لكل أب مبيسألش على عياله، مراتك أنت وهي أحرار، لكن العيال هتكبر ومش هتنسى، هتفضل تيجي سيرتك بشكل مش كويس، وإنك تسأل على عيالك دي مش رحمة ولا مودة منك.. دا واجب، إزاي تصب غضبك من مراتك على عيالك؟.
