تصدرت الفنانة المغربية بسمة بوسيل، محركات البحث خلال الساعات الماضية، وذلك بعد هجومها على هالة عمر، مديرة أعمال طليقها الفنان تامر حسني، والتي احتفلت بزفافها مؤخرًا.
وكشفت بسمة بوسيل، عن سبب انفصالها عن الفنان تامر حسني، بعد مضي اشهر على انفصالهما، وكشفت ان مديرة اعمال زوجها السابق هي السبب الرئيسي وذلك بعد أن وصفتها بأنها “خرابة بيوت”.
ونشرت بسمة بوسيل، تعليق عبر خاصية الاستوري بصفحتها الشخصية بموقع “إنستجرام”، وقالت فيها: “حسبي الله ونعم الوكيل فيكي يا هالة”.
وخرجت بسمة بوسيل عن صمتها، وأوضحت أن مديرة أعمال زوجها الفنان تامر حسني سبب رئيسي في انفصالهما، وذلك في تعليق قالت فيه: “كانت سببًا في خراب البيت.. احترام العشرة بيبتدي باحترام مشاعر غيرك.. بالذات لو حد كان سبب رئيسي في خراب بيتك وهدم حياة ولادك”.
وكان الفنان تامر حسني، قد كشف الصلة التي تجمع بينه وبين هالة عمر، وذلك بعد احتفاله بزفافها ونشره صور وفيديوهات من حفل زفافها عبر صفحته الشخصية بموقع “إنستجرام”، وعلق تامر حسني، على الفيديو قائلًا: “لـ كل اللي بيسأل عن وجة القرابة بيني وبين العروسة الجميلة دي، شايف اسئلة كتير أنا هحكيلكوا، هي اسمها هاله عمر عرفتها كانت بنت من الفانز صغيرة ومن المقاتلين والمدافعين عن تامر على الإنترنت، ومن كتر دفاعها عني لفتت نظري ومرة رديت عليها شكرتها”.
وأضاف: “لما سافرت إسكندرية في الوقت ده لقيت بنت صغيرة اوي بتعيط وبتجري عليا فوقفتلها وفكرتني بنفسها وفضلت تعيط وتقولي احنا معاك ولازم تكمل، عشان كنت بتحارب جدًا في بداياتي فاتصدمت إن اللي بتقول كده بنت صغيره كده والمجهود ده كله اللي عاملاه بنت صغيره عندها 14 سنة”.
وتابع: “وقتها كانت السوشيال ميديا لسه بتطلع.. وكنا في شركتنا بندور على شركة كبيرة تمسكلي السوشيال ميديا، لحد ما قولتلهم أنا مش عايز شركة كبيرة أنا عايز البنت الصغيرة دي هي اللي تمسكها فضلوا يقنعوني أن كده مش صح ولازم أكتر حد خبره يمسكها، وأنا قولت لا لازم أكتر حد بيحبني هو اللي يمسكها وأنا واثق أن طاقة الحب مفعولها أقوى من طاقة المحترف بلا حب”.
وأكمل: “فعرضت عليها تشتغل معايا وهي في السن ده مصدقتش طبعًا ومن ساعتها وهي اللي ماسكه كل شغل الميديا الطفلة الشاطرة اللي كبرت دلوقتي قدامكم هاله عمر، أما بقى عريسها العسل ده اسمه عمرو طلب أديها مني أنا عشان والدها ووالدتها توفاهم الله”.
واختتم كلامه بقوله: “ومن اللحظه دي اتحولت هالة لبنتي الكبيرة بجد.. اللي بتتجوز دلوقتي قدامي وبسلمها لعريسها بنفسي وبغني في فرحها، معرفتش أرد على كلامك عني في الفرح يا هالة رديت دلوقتي هنا ربنا يكرمك ويسعدك مع جوزك الجميل المحترم اللي هيكون ضهرك وسندك ويكمل معاكي مشوار حياتك مع أولادكم الجُمال بإذن الله”.
تعليق هالة عمر على تغريدة بسمة بوسيل
وعلقت هالة عمر على فيديو من حفل زفافها: “تامر حسني بابايا، ومفيش كلام يقدر يوفيه حقه أو أي كلمة عايزة أقولها، والسنة اللي فاتت كانت صعبة عليا أوي، وربنا اللي عالم عدت عليا إزاي، وانه يبقى النهاردة معايا ويقف معايا الوقفة دي مكان بابايا ومامتي الله يرحمهم، بشكره وبشكركم كلكم”.
تعليق تامر حسني على اتهام زوجته
اكتفى الفنان تامر حسني بنشر جمل لعدد من أغانيه عبر خاصية الاستوري بصفحته الشخصية بموقع “إنستجرام”، ومنها
اللهم احفظنا من القريب قبل الغريب واحفظنا من اللي حافظنا وكارهنا وعامل حبيب.
– ياه سواد سواد مفيش رحمة.. والطيبة تاهت في الزحمة.
– حلوة ومرة كنا سوا وقلوبكوا بينا كانت تحس قولولنا ليه دلوقتي ليه نشوفكوا في الحلوة وبس.
– أنت عارف غلاوتك يا حبيبي قد إيه.. أنت عارف قيمة حبك جوا قلبي تسوى إيه.
– انت عارف قد إيه بحبك قد إيه.. أنت عمري أنت قلبي والعالم واللي فيه.
– لو فعلًا بتهمك راحتي زي ما بتقول.. كان المفروض لما تشوفني تفهم على طول، إنك طول ما أنت بعيد عني العمر بيجري ويسرقني ووجعي بيطول.
– كفاياك أعذار ولآخر مرة هقولهالك كفاياك أعذار، مش دايمًا هنسى وهصفالك على الوضع ده لأ.. اللي جاي مش خير، ولو هطول نهايتنا خليها في بالك.
– هتيجي في يوم هتلاقي نتيجة إهمالك عايشها وحيد والجرح كبير.
