أثارت الإعلامية أسما شريف، حالة جدل واسعة خلال الساعات الماضية وذلك بعد مشاركتها في حفل مهرجان القاهرة للدراما، وذلك بعد ظهورها حليقة لشعر تمامًا وبإطلالة جذابة
وظهرت أسما شريف منير، بعد حلاقة شعرها على الزيرو وتعرضت لهجوم شديد من قبل بعض المتابعين، وهوما دفعها للتعليق على سبب قيامها بحلاقة شعرها “زيرو”.
و نشرت أسما شريف منير، صور من حضورها لمهرجان القاهرة للدراما، وكشفت سبب حلاقتها لشعرها وهل تعاني من المرض أم تسعى للتريند، وعلقت على الصور قائلة: “طيب أول حاجة شكرًا على كل ردود الفعل، الوحشة والحلوة كلها، وشكرًا لكل الناس اللي كانت خايفة وقلقانة عليا، ممكن بقى أقولكم الحكاية من وجهة نظري ببساطة”.
وأضافت: “أولاً الحكاية جت بالصدفة جدًا وكان قرار لحظي وانفعالي جدًا ومش ندمانة عليه، تاني حاجة أنا مش بعمل كده علشان أطلع تريند بس كنت عارفة أني هبقى تريند، في فرق كبير بين عايزة وعارفة، على فكرة التريند ده نقمة مش حاجة حلوة خالص بس مش هدخل في الجدل ده دلوقتي”.
وتابعت: “ثاني حاجة أنا الحمد لله كويسة ومبسوطة ومش واخدة الخطوة دي بسبب اكتئاب خالص بالعكس دي صفحة جديدة حلوة مليانة تفاؤل وقوة وإرادة وتحدي وجرأة وشجاعة وكل حاجة إيجابية في الكون، أنا فعلا من فترة كنت بمر بمرحلة صعبة جدًا بس كنت في رحلة بقالي شوية بتعافى منها وبقف على رجلي من الأول وكان أخرها رحلة دهب، وبالعكس ده مش اكتئاب ده مرحلة انتقالية مؤمنة اني هحقق فيها حاجات كتير”.
واختتمت كلامها قائلة: “آخر حاجة الجماعة اللي مكبرين الموضوع ( ده شعري مش شعرك) حاجة كدة بجد أخيرة ( انا عاجبني شكلي جدًا بصراحة، شكله جامد ومديني ثقة في نفسي جدًا) بحبكم أوي بجد”.
تعليق شريف منير على حلاقة شعر ابنته
دعم الفنان شريف منير، ابنته أسما شريف منير ، بعد أن قامت بقص شعرها خلال الساعات الماضية، مما جعلها تتعرض للكثير من الانتقادات، والاتهامات بالسعي خلف التريند.
وقال شريف منير فى فيديو قام ببثه على صفحته الشخصية بموقع ” إنستجرام : “اية الدوشة والضجة اللي انتوا عاملينها دي.. كل ده علشان بنتي قصت شعرها قدام الكاميرا.. ايه الغلط اللي هي عملته، تصرف عادي جداً، واعوا تفتكروا إني ممكن أجي على بنتي علشان أرضيكم”.
وأضاف: “دي بنتي وماليش غيرها، واللوك اللي عملته عجبني، ومبسوط منها، وقبل ما الأخوة اللي عاملين يشتموا فيها، ويقولوا جتها البلاء فى شكلها، عايزة تكسب التريند، وابوها معرفش يربيها، بصوا علي نفسكم وبصوا على عليتكم واخوتكم”.
وتابع: “بنتي عندها 36 سنة، وأم ، وهي حرة تعمل اللي عايزة، وانا مش مهتم بالكلام اللي بيتقال عليا ولا عليها، المهم انها لا تقوم بإيذاء أحد”.
