وجهت الإعلامية وخبيرة التجميل أسما شريف منير، رسالة لكل متابعيها بعد شعورها بالأسف بسبب ما يحدث في فلسطين، وزيادة أعداد الشهداء والجرحى.
أسما شريف منير، تحدثت عن الحجاب وخوفها الدائم من الموت، مؤكدة أنها انتظمت مؤخرًا في الصلاة، ولكنها مازالت مترددة في ارتداء الحجاب.
أسما شريف منير وأحداث غزة
قالت أسما شريف منير في بث مباشر عبر حسابها الشخصي بموقع انستجرام: من ساعة اللي حصل في غزة وأنا خدتها عند مع نفسي والتزمت في الصلاة
وأكملت حديثها: بقالي 15 يوم ملتزمة وقللت خروجي جدًا ودي حاجة مريحاني جدًا، وكل مرة الصلاة بتريحني وبتلهي في الدنيا ولكن دلوقتي بحاول، ونفسي انتظم على الصلاة لغاية ما أموت.
أسما شريف منير والحجاب
وتحدثت أسما شريف منير عن سبب عدم ارتدائها الحجاب وقالت: الواحد يلتزم في الصلاة الأول وبعدين يغطي شعره، نفسي أعمل كده وربنا يهديني للحجاب
وأنا خايفة أعمل حاجة تكون مثال مش كويس للحجاب، ودايمًا الواحد لما بيبدأ في الخيط الأولاني ومينفعش تنفره في الحاجة دي
ولازم دايمًا لما تشوف حد بيعمل حاجة ساعده وادعيله بالهداية، ولو أنت شايف حد أبو لهب افتح نفسه على الدين، واقتضى بالرسول عليه الصلاة والسلام.
وكشفت أسما شريف منير عن خوفها الدائم من الموت قائلة: بعد ما التزمت بالصلاة حسيت إني ممكن أموت عادي، أنا دايمًا خايفة من الموت لأني دايمًا حاسة إن ناقصني حاجات كتير قوي ومش عارفة هقف إزاي قدام ربنا، خايفة أموت وأنا مش جاهزة.
وأضافت: ربنا يثبتني على الصلاة دايمًا والواحد نفسه السيئة والشيطان ساعات كتير بيدمر العلاقة اللي بيني وبين ربنا، وبحس إني لما بصلي بكون هادية وربنا هاديني وفي حد في ضهري ومفيش حد هيأذيني وعندي ثقة إن ربنا معايا.
أسماء شريف منير تحلق شعرها على الزيرو
وفي خطوة مفاجئة وغير متوقعة وعلى طريقة الفنانة شيرين عبدالوهاب، قامت خبيرة التجميل أسما شريف منير، ابنة الفنان شريف منير، بالتخلي عن شعرها كاملًا وقامت بحلاقة شعرها بماكينة الحلاقة.
وظهرت أسما شريف، وهي بإحدى صالونات التجميل، وتمسك بماكينة حلاقة الشعر وتقص شعرها كاملًا على طريقة شيرين عبدالوهاب.
وكشفت أسما، سبب قيامها بهذه الخطوة في منشور عبر صفحتها الشخصية بموقع “إنستجرام”، قائلة: “شعري بقاله فترة بيقع جامد، ده غير ان من كتر العمايل اتحرق و بقي مش صحي خالص، غير الغده و تأثرها عليه، قررت انفذ قرار كان بقالي كتير اوي نفسي اخده، ابداً من جديد، احرر نفسي، افتح صفحة جديدة، حقيقي هو قرار صعب جداً بس حسسني بقوة و تفاؤل”.
إقرأ أيضا:
أسما شريف منير تحذف صورة بملابس مكشوفة: “شيطاني غلبني”
وأضافت: “رميت ورايا حاجات كتيرة أوي بمجرد اني شلت شعري، قلبي كان بيدق جداً و بعديها حسيت اني مليانا ادرينالين.. خطوة جريئة و مرعبه بس حاسه اني طالعة منها بدري، عارفة ان في ناس كتير هتهاجمني بس انا فارق معايا احساسي بالراحة اللي انا حاسها دلوقتي…عادي هيطول تاني بس الاحساس ده مش هحسه غير مرة.. بكره هتشوفوا النتيجة الاخيرة”.
كما ردت على تعليق إحدى متابعتها والتي قالت فيه: “حرام عليكي بنتك حتتخض”، قائلة: “بنتي قالتلي انتي اكتر حد شجاع انا شفته، و قالتلي انها فخورة اني قوية”.
زيجات أسما شريف منير
تزوجت أسما شريف منير، من رجل الأعمال محمود السكري، وهو نجل لواء سابق وخالته هي الفنانة نجلاء فتحي، حيث شهد حفل زفافهما حضورًا كبيرًا من النجوم، ثم رُزقا بمولودة هي ابنتهما الوحيدة لارا، ولم يستمر زواجهما طويلا، إذ قررا الانفصال في هدوء بعد زواج 5 سنوات.
وتزوجت أسماء من الفنان محمود حجازي في سبتمبر 2018 م، لكن هذا الزواج انتهى عندما ألغى الشريكان المتابعة، وحذفت أسماء جميع الصور التي جمعتها معه، وعلقت بأن المشاركة لم تحدث، وأن العلاقة بينهما لا تزال قائمة على الاحترام بسبب الأيام الجميلة، ولم تقدم أسباب انفصالهما.
