علياء عساف تروي معاناتها مع طليقها الذي انفصلت عنه بعد 8 أشهر فقط.. وزينة تهون عليها
روت الفنانة المصرية الشابة علياء عساف معاناتها مع طليقها، التي استمرت على مدار 8 أشهر هي عمر زواجهما، وذلك من خلال مجموعة نصائح وجهتها للفتيات.
علياء كتبت على حسابها على “انستجرام”: “رسالة لكل البنات: ما تتجوزيش اللي يكدب عليكي ويخدعك ويبين لك احلام مش حقيقية.. ما تتجوزيش اللي عايش لنفسه ولراحته مش عايش ليكي.. ماتتجوزيش اللي مش عايز يشوفك أحسن واحدة في الدنيا وعايز يهدك ويهد طموحك وكل ما تنجحي يكره نجاحك”.
وأضافت: “ما تتجوزيش اللي يوم ما تحسي إنك مش عايزة تكملي معاه ينزلك من غير هدومك وأي حاجة بتاعتك بحجة إنك جرحتي كرامته لما طلبتي الطلاق.. لو مش هتتجوزي اللي يخليكي أسعد واحدة في الدنيا ويريحك ويعيش علشان يرضيكي ويبقى عايز يشوفك أحسن واحدة في الدنيا ما تتجوزيش.. اتجوزي اللي يرفعك مش اللي ينزل منك.. ما تتسرعوش وماتخدوش بالمظاهر”.
الفنانة المصرية زينة حاولت أن تهون عليها صعوبة الموقف، فمازحتها قائلة: “طب ماتقولي لهم ماتتجوزوش اصلا مالها القاعدة في بيت الأهل”، فردت علياء: “والله ده اللي نفسي اقوله بس قلت هيقولوا عليا مجنونة”، فقالت زينة: “بالعكس ده عين العقل”.
وكانت علياء عساف قد أعلنت خبر انفصالها عن زوجها رجل الأعمال الشاب محمد عماد الدين منذ ايام قليلة، بعد 8 أشهر فقط من الزواج.
