شاركت الفنانة هديل خير الله، الشهيرة بالطفلة “بلية“، مع الفنان المصري عمرو دياب، في فيلم “العفاريت“، والذي عرض عام 1990، وكان عمرها وقتها 6 سنوات فقط.
وبعد مرور 25 عامًا على عرض الفيلم كشفت “بلية“، التي أختلف شكلها الآن بشكل كبير ولكنها ما زالت تحتفظ بملابس الدور الذي ظهرت به في الفيلم، وشاركت جمهورها بصورها عبر صفحتها الشخصية بموقع “فيس بوك“.
هديل، عادت للحديث عن دورها في الفيلم وكشفت عن 9 معلومات لجمهورها للمرة الأولى قائلة: “للناس اللي لسا مهتمة وبتسألني دايمًا دول 9 معلومات عن فيلم العفاريت مش هتعرفهم غير من بلية”.
ستيفان روستي مات ورتك 7 جنيهات واصيبت زوجته بالجنون
1- بيت عمرو دياب اللي في الفيلم دا مش بيته ولا حاجة دا سويت في شيراتون الجزيرة.
2- الفيلم أتصور في حوالي 6 شهور ما عدا مشهد واحد و توقف التصوير تماما لمدة 7 شهور و بعدين أتصور المشهد، و دا كان مشهد ميال ميال في الاستاد
3- أول مشهد أتصور في الفيلم لبلية كان أول مشهد لبلية مع الكتعة اللي كان أوله قلم علي وشيي
4- حفلة عمرو دياب في الفيلم كانت حفلة ليه بجد
5- مشهد الشحاتة (اللي بدون حوار) كانت الكاميرا مستخبية في عمارة و كنت بشحت بجد و لميت فلوس!!
6- المشهد بتاع “سرقت الخواجة كنتاكي” أتصور الساعة 3 صباحا و لوزة نامت في التصوير و اضطريت احفظ كلامها في ساعتها و الحوار تم كلة بيني و بين سقراط (لاحظ نومها في المشهد)
7- أنا ما كنتش في الشوال لما سقراط شاله
8- دور بلية كان لبنت عمرها 8 سنوات و كان علي وشك اختيارها بالفعل و المخرج حسام الدين مصطفي لما شافني كنت اقل من 6 سنوات و اخترني
9- بمناسبة أنى كنت 6 سنوات كنا بناكل في الاستراحة بين المشاهد و عمرو دياب قعد في الكرسي الي جمبي فا قلتلة “ماما لازم تقعد جنبي علشان تأكلني “
يذكر أن فيلم “العفاريت“، شارك في بطولته مديحة كامل، عمرو دياب، حمدي الوزير، نعيمة الصغير، وعماد محرم ومن إخراج حسام الدين مصطفى، وسيناريو وحوار ماجدة خير الله.
