حورية فرغلي تكشف معاناتها مع الوحدة .. وتعلق:” لوحدي مع الكلب.. بتحسدوني على إيه”

نشرت الفنانة حورية فرغلي فيديو عبر حسابها الرسمي – انستجرام- كشفت خلاله معاناتها من الوحدة، وبدأ الفيديو بتساؤل بشأن سبب تعرضها للحسد، موضحة أنها وحيدة ولم تكون عائلة رغم تخطيها منتصف الأربعين.

وقالت حورية نصاً:” الناس بتحسدني على إيه؟، أنا قاعدة لوحدي، عندي كلب، ومعنديش صحاب، وتليفوني مبيرنش، بقرأ طول الوقت، عالآيباد طول الوقت، بنزل ألف التراك كل يوم، مبعملش أي حاجة في حياتي.. مامي بتجيلي بتزورني، وبروحلها أزورها، بروح لبابي، أخويا كنت قاعدة معاه في السليمانية، بس هو طيار أصلًا دايما مش موجود ومسافر، رانيا صاحبتي جدا بس مبنشوفش بعض كتير لأنها في 6 أكتوبر وأنا هنا”.

وتابعت حورية فرغلي:” مش عارفة الناس بتحسدني على إيه؟ أنا عندي 46 سنة، نفسي أتجوز ويكون عندي عيلة ونفسي مش أعيش لوحدي، وده محصلش لغاية دلوقتي، فأنا مش عارفة هما حاسدني على إيه بالظبط؟”.

أزمة حورية فرغلي وطليقة حسن شاكوش

هذه ليست المرة الأولى التي أثارت من خلالها حورية فرغلي الجدل، إذ أنها فقد ردت مؤخراً حوية فرغلي على تصريحت طليقة حسن شاكوش بأنه على علاقة بفنانة ثالث حرف من إسمها “راء”.

وقالت حورية خلال فيديو لها آنذاك:” الحقيقة أنا طالعة أكلمكم في موضوع وهو بقاله فترة مضايقني وساكتة بس أنا قررت أما يحصلي حاجة زي كدا أشاركم وأشهدكم عشان لو أنا غلطانة إنتم ممكن تقولولي، أنا كنت ساكتة فترة طويلة جدا ومبرودش علشان أنا أكبر بكتير من كده بس الموضوع زاد عن حده بطريقة لدرجة إن أنا مش من طبيعتي أن أطلع وأتكلم أو أرد بس من كتر ما الموضوع بقى اوفر مش قادرة، عايزة أشهدكم معايا”.

وتابعت حورية:” أنا حتى مش حابة أقول الاسم بس هضطر أقوله عشان كرامتي وحقي المعنوي وخصوصا إن محبش إن أهلي كل شوية يسمعوا كلام من اللي هي بتقوله دا .. الأستاذة ريم طارق طليقة الفنان حسن شاكوش اللي أنا معرفهاش خالص ولا عمري شوفتها إلا في السوشيال ميديا في فرحها و برنامجها مع بسمة، اتقال اسم حورية وتالت حرف ر الناس سابت كل الأسامي ومسكت في حورية سكت ومتكلمتش خالص إنما يجيلك الجرأة إنك تنزلي أن الفنانة حورية فرغلي تكشف عن اسم الفتاة اللي كانت مع شاكوش لغاية هنا بقا وأستوب”.

ارتباط حورية فرغلي بشخص حرامي

قالت الفنانة حورية فرغلي، خلال استضافتها في برنامج “في العمق” إنها كادت ترتبط بشخص، ولم تكن تعرف أنه “حرامي” ، قائلة:”كان فيه بداية تعارف مع واحد، لكن طلع حرامي وسرق بنوك مصر وسافر، بصيت ملقتوش كان في بينا مجرد تعارف .. أنا بستحمل أي حاجة إلا الخيانة، كل الرجالة بيحبوا البنات اللي أجسامهم حلوة، والجمال عينيك هتاخد عليه وخلاص، لكن اللي بيفضل روح الشخصية دا الأهم”.

خطوبة حورية فرغلي ونزار الفارس

خلال الفترة الأخيرة أعلن الأعلامي العراقي نزار الفارس خطبته للفنانة حورية فرغلي ، إلا أنها سرعان ما نفت ذلك مؤكدة أن الأمر لم يكن أكثر من استضافته في بيتها لتصوير حلقة معها يعرضها في برنامجه.

وقالت حورية: “أنا بجد مش فاهمة بقيت أخاف، بيكلموني من أسبوع وأستاذ نزار عايز يجي ويعمل لقاء، اتفقنا على يوم الأحد امبارح، وكان أول مرة أشوفه امبارح، فتحت بيتي والمصورين موجودين بتوع الصوت والإضاءة، وناس كتير وأنا في بيتي قاعدة مع مامتي والكلب بتاعي، وأول ما دخل اقعد يصور جت أغنية ماجد المهندس وعشان عراقي قلت آه طبعا بحبه، قالي تحبي ترقصي على الأغنية ورقصنا والناس كلها قدامي عشان مكسفهوش بجامله، وبرحب بيه لقيت من ساعة ما دخل بيتي بيصور بيتي من ورايا والسيلفي ده من قبل اللقاء وقلت اسيبه براحته”.

وأضافت: “أنا مش متخيلة متخطبتش لنزار ولا أي راجل في الدنيا، وهرفع عليه قضية هو خطبني امتى ليه هو شاف أبويا وأمي وأخويا، خطبني من مين، الفيديو اللي فيه كلام سي السيد كان هزار، زعلانة وعمري ما هعمل أي لقاء مع أي صحفي معرفهوش، فتحتلك بيتي ورحبت بيك وكنت تعبانة وعملت اللقاء تعمل فيا كده ليه، وتخلي كل الناس تكلم ابويا واخويا وتسألهم هي اتجوزت ولا لأ”.

وتابعت حورية: “ممكن يكون فال حلو بس أنا أول مرة أشوفه امبارح، أول مرة في حياتي أقابله، ليه من ورايا تقول خبر، عايز تعمل بروباجندا وانا واحدة من ضحاياك، افرض اني متجوزة في السر افرض تعملي مشكلة، ندمانة اني عملت اللقاء ده معاه”.

حورية فرغلي تكشف تفاصيل حلمها المرعب

كشفت الفنانة حورية فرغلي، تفاصيل حلم مرعب رأته بمنامها وعمرها 10 أعوام، إذ قالت – خلال لقائها ببرنامج في العمق- : “حلمت وأنا صغيرة أن فيه صندوق خشب عامل زي الأوضة، بس منورة رغم إن مفيهاش لمبة، وأنا في كفن وإيدي بس اللي طالعة، ومنتظرة الساعة تيجي 12، عشان يجوا يخدوني يسألوني”.

وتابعت حورية: “في اللحظة دي أنا كل دقيقة بتعدي عشت فيها رعب، لغاية ما قُمت من على السرير مفزوعة، رغم أني مشوفتش وشي في الحلم، لكن بسببه مازال عندي مشكلة كبيرة في النوم، بنام بصعوبة وعشان أحلم محتاجة معجزة”.

آخر أعمال الفنانة حورية فرغلي

شاركت الفنانة حورية فرغلي في مسلسل “أيام 2” الذي عُرض عام 2022، والذي شارك في بطولته عدد من الفنانين منهم شيري عادل، أحمد صفوت، سلوى خطاب، ندى موسى، والعمل من تأليف سماح الحريري، وإخراج محمد أسامة.