محمد فؤاد مع ياسمين عز: أنا وهنيدي مش أصدقاء ومعزمتوش على فرحى
حل النجم محمد فؤاد ضيفًا على الإعلامية ياسمين عز بحلقة من برنامج “كلام الناس”، وكشف عن أنه كان قد رفض الظهور معها منذ فترة طويلة، بسبب زيادة وزنه، قائلًا لها: “أنا من سوء حظي إني مظهرتش معاكي، بس أنا كنت تخين أوي عشان كدة كنت برفض الظهور”.
وعن رفضه الظهور إعلاميًا، فأوضح فؤش قائلاً: “الناس دلوقتي تحسي انهم بيبقوا قاصدين يخبوا الكويس ويظهروا الوحش بس وإن كان في شئ إيجابي ميتقالش ونطلع السلبي لأنه اللي بيجيب مشاهدات أو تريند أو بيلفت النظر وده في حد ذاته دينيًا حرام وأخلاقيًا ليه مسمى مينفعش نقوله على الهواء إنما ده اللي مودينا في المصايب اللي احنا فيها ومحمد فؤاد من الناس اللي بينالهم من الحب جانب وقولت يا جماعة مش هغني غير لما اتطمن أن البلد بقت كويسة ومش هغني بالعافية مش هغني وأنا مش مبسوط”.
وتحدث محمد فؤاد عن المرأة مؤكدًا: أن الرسول أوصانا بالنساء خيرًا، لذلك لم يكن الرجل أهم من المرأة، لكن الرجل الناجح هو الذى يحافظ على أسرته، ويراعي منزله.
وتحدث النجم محمد فؤاد عن المرأة اليابانية، مؤكدًا أن العلاقة الزوجية اليابانية، تعد من أنجح العلاقات في العالم، من وجهة نظره قائلاً: “الست اليابانية بتشيل جزمة جوزها من عالباب وما ينفعش يمشي جنبها وهو شايل الحاجات”.
محمد فؤاد: هنيدي مش صاحبي ومعزمتوش على فرحي
وكشف محمد فؤاد خلال الحلقة كواليس غضبه من الفنان محمد هنيدي، بعد فيلم إسماعيلية رايح جاي، وأكد فؤاد، أن هنيدي لم يكن صديقا له نهائيا، ولم يدعه لفرحه مثلما نشر عبر مواقع التواصل الإجتماعي.
وأضاف محمد فؤاد: “عمرنا أنا وهنيدي ما اتكلمنا ويشرفني إنه يكون صاحبي، لكن هو شلته غيري، وبعيدا عن الفيلم، عمري ما روحت له في أي مكان، وفي قصص وكتب بتتألف عننا، ليه أنا ومحمد هنيدي نكون أصحاب أنا مش هكون صاحبه غصب عنه”.
