كانت متزوجه مرتين ودخلت السجن علشان أحميها.. طليق بوسي يفجر مفاجأة
فجر رجل الأعمال هشام ربيع، مفاجأة من العيار الثقيل حول أزمته مع طليقته المطربة بوسي، ودا على التصريحات التي أدلت بها المطربة بوسي في أحد البرامج التليفزيونية بعدما دخل طليقها السجن في سبيل حمايتها.
وقال هشام ربيع، في تصريح صحفية إنه اكتشف أن طليقته بوسي كانت متزوجة مرتين قبل زواجهما ولم تخبره بذلك.
طليق بوسي يفجر مفاجأة
أكد هشام ربيع انه اكتشف حاجات غريبة أوى، وهي إن الست دي كانت متجوزة قبلي اتنين وأنا معرفش، اللى كنت أعرفه فطين اللى هو وليد أبو ياسين، التانى اللى في النص ده أنا معرفوش.
وتابع هشام ربيع: بدأت حياتها معايا بكذب إن هي كانت متجوزة قبلي ومقلتش ليا، حتى أنا قلتلها إزاى يا بوسي نحط إيدينا في إيدين بعض وإحنا جواز على سنة لله وروسوله وفرح وعيلة محترمة وأسرة ونسب، وفي الآخر إنتي متجوزة قبلي ومقولتيش ليا طبعا مكنش ليها رد لأن كان الموضوع اتعرف.
هشام ربيع يرد على تصريحات بوسي
رد هشام ربيع على تصريحات طليقته المطربة بوسي، التي أدلت بها خلال أحد البرامج التليفزيونية قائلا: كل الردود والتصريحات بتاعتها عبارة عن كذب، وأنا بصراحة مقدرتش أسكت، كنت لازم أدخل، وأوضح لكل الناس وبالذات أصحابي وأهلي أن الست دي كلامها كذب وبتتنفس كذب.
أضاف سألتها الأستاذة بسمة سؤال واضح وصريح سبب الانفصال بينكم إيه، فردت بوسي قالت لها أصل الناس كانت بتقوله كلام في ودنه وكلام كده لا يعقل يعني.
طليق بوسي يكشف سبب الانفصال
قال هشام ربيع: أنا بعرفكم وبقولكم الحقيقة طلقت بوسي لأن دخلت بسببها السجن 4 شهور ودفعت عشانها ملايين وخلصتها من تشكيل عصابي مكون من طليقها الله يرحمه ويسامحه وعيلته وخليتها حرة اللهم لك الحمد، وفي الآخر الست دي مجتش زارتني خلال الـ 4 شهور وفي كشوفات في السجن تثبت ده عشان هي بتكذب كتير خرجت من السجن بتتهرب مني وقافلة باب البيت ومش عايزة تقابلني، وده اللى جاب ليا صاعقة ولاقيت نفسي هتجنن.
تصريحات بوسي مع بسمة وهبي
كشفت الفنانة بوسي، كواليس زواجها من هشام ربيع، قائلة: أنا متجوزش راجل متجوز أبدًا، ولما اتجوزنا كان مطلق، وبينا دلوقتي كل خير واحترام رغم الطلاق.
وأضافت بوسي، خلال لقائها مع الإعلامية بسمة وهبة ببرنامج العرافة: رجع زواجه من طليقته بناءً على طلبها من أجل أبناءه، وطلب مني الوقوف بجانبه، وصدقته، وللأسف وقتها مكنش لسه في بينا عشرة إحنا حبينا بعض واتجوزنا.
اكملت: هشام دخل السجن بسببي عشان يحميني من عالم نصابة بتلف حواليا، وللأسف اتطلقنا بسبب أن فيه ناس كتير مش حابين وجودنا مع بعض وعمري ما كنت هاسيبه ومقدرة كل اللي عمله عشاني، وأحب أقوله: يا هشام أنت عارف ومتأكد أني مشفتش حد وقف جنبي زيك، ولا هاشوف حد في جدعنتك ورجولتك، وفعلًا مشوفتش حد في نضافتك ولا حنيتك وكرمك، ولسه بحبك.
