تعد الفنانة مها أحمد من الفنانات اللاتي استطاعت أن تنال مكانة في قلوب محبيها من خلال أعمالها الفنية ، إلا أن مشاركتها الفنية قلت بشكل ملحوظ خلال السنوات القليلة الماضية.
علقت الفنانة مها أحمد على تضيعها للفرص الفنية خلال فترة في حياتها بسبب لكسل قائلة خلال استضافتها ببرنامج “أسرار” مع الإعلامية أميرة بدر المذاع على قناة النهار: “مش كسلانة في الشغل ماعدا شغل الشتا، وكسلي خسرني اني في عز الهجوم ده اتطلبت اني امسك منصب مهم للمرأة”.
وقالت مها أحمد: ” رفضت منصب المرأة لاني مش بتاعة حاجات روتينية، ولو عايزة أخرس الالسنة كنت ممكن اقبل بالمنصب ومحدش يعرف يقولي صباح الخير حتى”.
سر الخلاف بين مها أحمد وفاروق فلوكس
كشفت الفنانة مها أحمد عن واقعة حدثت بينها وبين الفنان فاروق فلوكس قائلة: “عرفت ان المسرح بيكرم الاستاذ فاروق فلوكس، فا قلت لصديقتي ومديرة تحرير برامجي، بفكر اروح عشان احضر التكريم واعمله مفاجأة يمكن يفرح، قالتلي ازاي ده شتمك، رغم انى مش فاكرة اني اشتغلت معاه، فا سألت مقربين قالولي اني عملنا مسرحية مع بعض، وهو بالنسبالي تاريخ”.
وقالت مها أحمد: “كنت بعمل بطولة مسرحية، فكان في الشغل بيقرب مني اوي، بيلزق فيا اوي، وبيندفع بالكلام وده بيضايقني، وكان يخرج عن النص لانه كان جاي علينا جديد، ومش حافظ، فا كان يرتجل بـ كلام مينفعش يتقال على مسرح دولة، فا اشتكيت للمخرج قلت له بعد اذنك لما يجي يشتغل معايا وميقولش ألفاظ خارجة، ف الزميل المذيع والممثل، مردش حقي وبعدين قالوله في الايربيس وجه يلم الموضوع معرفش اصل الارتجال ده عايز امكانيات”.
مها أحمد تشن هجوماً على شقيقة عبير صبري
خلال الفترة الأخيرة، شنت الإعلامية مروة صبري هجوماً ضد الفنانة مها أحمد، بعد قيام الأخيرة قيام الأخيرة في الدخول في تحديات عبر منصة تيك توك.
وفورعلم الفنانة مها أحمد بذلك، سرعان ما فتحت النار على الإعلامية المصرية شقيقة الفنانة عبير صبري، قائلة:” مش عارفاها شغاله فين .. أوه افتكرت .. في مرة كلمت ابني قالتله عايزة تعمل معايا حوار في الراديو ولما قابلتها لقيتها بتترعش .. وقولت لمدير أعمالي مين دي يا بني اللي انت جايبهالي دي .. مبتعرفش تقول كلمتين على بعض”.
ورداً على تصريحاتها بأتهامها لها بإهانة الفن، قالت مها أحمد:” أنا دلوقت لو كنت في بداياتي عملت أفلام إغراء .. ورضيت بالقبلات في السينما عشان أتشهر كنت مش ههين الفن.. من الأخر اعتقد إنها بدل ما تاخدني كماتريال انها تتشاف من خلاله .. عندها ماتريال كتر أوي لو بحثت على اليوتيوب وكتبت اسم أختها.. هتطلع تريند أكتر عن كلامها عني”.
وتابعت :” أي حد هيتعدي حدوده عليا ، على جوزي ، على أولادي .. هلجأ للقضاء”.
مروة صبري وبداية خلافها مع مها أحمد
شنت الإعلامية مروة خلال برنامجها “قعدة ستات”، هجوماً ضد الفنانين الذين يظهروا على منصة التيك توك، قائلة:”الممثلين اللي بيطلعوا في تحديات، أنتوا مين؟، بجد أنتوا مين؟، أنتوا لا تنتموا للفن المصري، أنتوا لا تنتموا للفن أصلا”.
وتابعت: “كان في فيديو لشخص طالع مع مها أحمد في تحدي على لايڤ تيك توك، وبيقول لها واضح الفن ما بيأكل خبز، فهي قالت له: الفن لا يأكل خبز، إحنا طالعين نشحت ونتسول على التيك توك واللايف، أنا طالعة أكسب علشان مابيجيليش أدوار”.
وقالت مروة: “هو ده ينفع، حتى وإن كانت دي نيتك هل ينفع تطلعي تقولي كده، كفاية يا جماعة شماعة الفن اللي أنتوا قاعدين تعلقوا عليها أخطائكوا والكوارث والمصايب اللي أنتو بتعملوها، أنتوا بتهينوا الفن”.
وأضافت:”أنتِ لو عملتي دورين تلاتة وسايبين علامة مع الناس أنتِ كده بتخسريهم، أنتِ بتمسحي تاريخك بأستيكة، ومها أحمد اسم مش قليل، مها نجمة من النجوم ولما تطلعي تقولي الفن مبيأكلش عيش وإحنا طالعين نشحت، حتى لو ده بيحصل أعملي أي حاجة تانية إلا إنك تظهري بالمشهد ده قدام الناس”.
مها أحمد تشارك زوجها عمل سينمائي بعد غياب 12 عاماً
تعود الفنانة مها أحمد للسينما بعد غياب 12عاماَ عن جمهورها ومتابعيها، بفيلم كوميدي تتعاون فيه مع زوجها الفنان مجدي كامل.
ومن المقرر أن يتم تصوير العمل خلال الفترة المقبلة مابين الإمارات ومصر، وحتى الأن لم يتم الإعلان عن كافة النجوم المشاركين في العمل، سوى الفنان مجدي كامل، الذي تعاقد على العمل خلال الأشهر القليلة الماضية.
