حورية فرغلي تكشف أسرار تحولها لشخصية “روح” الملبوسة في “ساحرة الجنوب”.. وتفاجئ جمهورها بتفاصيل الجزء الثاني
فاجأت الفنانة المصرية حورية فرغلي جمهورها بالكشف عن تفاصيل الجزء الثاني من مسلسلها “ساحرة الجنوب”، بقولها: “الجزء التاني أقوى بكتير من الجزء الاول، والناس ممكن تخاف مني وتكرهني فيه، لأن روح هتنتقم فعلا، بشكل أصعب بكتير”، مشيرة إلى أن هناك جزء ثالث وجزء رابع منه، سيبدئون تصويرهما بعد عيد الفطر القادم.
ومن ناحية أخرى، كشفت حورية عن أسرار تحولها إلى شخصية “روح” الملبوسة بجني في المسلسل، بقولها: “كنت بحط عدسات تقيلة أوي على عيني، فكانت متعبة ليا بشكل كبير، خاصة لما بيتحط الدم العدسة بتلزق أكتر، فكنت بضطر أحط ضفري تحت العدسة علشان أعرف أطلعها، ومكنتش بقدر أحطها في عيني أكتر من خمس أو عشر دقائق”.
وأضافت: “كل تمثيلي كان بعنيا فعضلات عنيا كانت بتوجعني، وكمان تعبت جامد وخسيت قوي، لكن ده خدم الدور بشكل كبير، لأن الشخصية الملبوسة مبتاكلش، علشان كده ماليش أي مشاهد بأكل فيها”.
