كشف الفنان هشام جلال بعض الأسرار الشخصية عن عدد من الفنانين ولعل أبرزهم الفنانة أسماء جلال ومي كساب ودينا الشربيني والفنان شيكو خلال استضافته في برنامج “في البوكس 2”.
قال هشام ماجد عن أسماء جلال :” أسماء جلال بتاكل أكتر من شكو .. بس مبيبانش عليها، محاشي وفتة وكوارع وحاجة صعبة.. ودايما بقولها ا اسماء السوفت وير بتاعك غير الهارد وير.. هي قمر من بره لكن اللي يعرفها أوي هيعرف ده”.
أما عن مي كساب، فقال هشام ماجد:” مي كساب لذيذة أوي أنا بحبها جداً، مي كساب بتشرب كتيرجداً كمون بليمون في التصوير، كل ساعه بتشربه”.
أما عن شيكو فقال هشام ماجد:” شيكو بيحب كل الأكل ماعدا القلقاس، وشيكو بيسيب باب بيته مفتوح لدرجة انه اتسرق مرتين ، وبيسيب الباب مفتوح عشان يدخل الهواء”.
وعن أحمد فهمي، قال هشام ماجد:” فهمي وأحنا بنلعب كرة واحنا عندنا 15 سنة سنانة دي طارت لفوق.. اتخلعت من مكانها.. اتخبط في واحد في الماتش وعمل عمليات كتير جدا وقتها”.
أما عن دينا الشربيني فقال هشام ماجد:” دينا الشربيني بتكره التصوير في شهر 8، عشان بتفضل تصور طول السنة، فبتبقا عايزة شهر 8 ده عشان تسافر تصيف، فاللي قولها شهر 8 هو بيبقا تقيل عليها، فهي بتفضل طول السنة جميلة، بس متقولهاش تصوير في شهر 8″.
هواية هشام ماجد الغريبة
كشف هشام ماجد، خلال استضافته ببرنامج «أسرار» مع الإعلامية أميرة بدر المذاع على قناة النهار عن هوايته المفضلة قائلاً: “شهوتي شراء الجزم وساعات بيبقى مالهاش لازمة وأنا وعمرو سلامة فينا الموضوع ده، عندي حوالي ٦٠ جزمة وحاططهم على الأرض، ومراتي بتضايق من ده”.
وتابع هشام ماجد:”بقف في المراية كتير واتأكد إني كويس،مبشوفش نفسي حلو وكتر خير اللي بيشوفني حلو، مبحبش تغيير الشكل والعمليات، إلا لو عندك عيب مضايقك أاوي”.
آخر أعمال هشام ماجد
يعد مسلسل “أشغال شاقة” والذي تم عرضه خلال الموسم الرمضاني الحالي هو آخر أعمال الفنان هشام ماجد، والذي شاركه بطولته الفنانة أسماء جلال والفنانة انتصار وأنعام سالوسة ورحمة أحمد ونهى عابدين .
وعن أعماله الفنية الجديدة قال هشام: «عندي فيلم في العيد، اسمه فاصل من اللحظات السعيدة».
