كشفت الفنانة ريم البارودي، سبب اعتذارها عن حلقة برنامج “رامز جاب من الآخر”، مع رامز جلال المذاع في شهر رمضان.
وقالت ريم البارودي في برنامج العرافة مع الإعلامية بسمة وهبة: مكنتش أعرف إننا هنكون أنا وسمية مع بعض في الحلقة، كنت مفكره إني هكون لوحدي، ورامز شخص لذيذ ودمه خفيف، بس تقيل في تقديمته، وتقيل في الهزار مع الضيف، ولو كان جايبني أنا وسمية الخشاب علشان يضحك علينا الوطن العربي كله ده عيب، وكدا إهانة متعمدة.
وأضافت: اللي بيقوله رامز مش هزار ده عيب، وأنا مش على خلاف مع سمية خالص، واتصالحنا من قبل 2021.
علاقة أحمد سعد وريم البارودي
تحدثت ريم البارودي على سبب رفضها ذكر اسمها رفقة المطرب أحمد سعد، قائلة: بصراحة أنا بضايق من التريندات اللي من غير قيمة، والمواقع المتعمدة على التريندات، ومينفعش راجل يكون انفصل عن ست، فاتحطوا ستات تانية معاه، وتعملوا أفيش، كل واحد حاليا بقى عنده بيته وعنده حياته، وأنا بضايق بربط اسمي بأحمد سعد.
أزمة ريم البارودي مع المتابعين
وكشفت الفنانة ريم البارودي عن علاقتها بمتابعيها قائلة : أنا بتكلم مع متابعيني بعنف، ومش بعرف أمسك نفسي، ولو قدامي أمسكه من لسانه، ودول مرضى.
وأتمت البارودي: أنا عندي متابعين كويسين وبننزل نتقابل ونحتفل، وكانوا معايا في العزاء والتكريمات ودول ناس محترمة، أما الذباب الإلكتروني فدول مرضى نفسيين، وأنا كنت بالحجاب لأني كنت في بيت ربنا هلبس إيه غيره ساعتها.
