أثارت الفنانة رانيا يوسف حالة من الجدل الكبير خلال الفترة الأخيرة بسبب إعلان دخولها في قصة حب جديدة ووسط توقعات بارتباطها والزواج في الأيام المقبلة.
وفي أول تعليق منها على الأمر قالت رانيا يوسف عن ارتباطها وإمكانية زواجها: هو فين الارتباط ده بلا نيلة وأضافت الفنانة رنيا يوسف خلال وجودها في مهرجان أسوان للمرأة في دورته الثامنة: مش بعيش قصة حب جديدة، ولكن أنا معجبة بشخص معين وبالمناسبة أنا بحس بالإعجاب تجاه ناس كتير يمكن كل يوم زي جورج كلوني وممثلين كتير جدًا، ولو هتجوز أكيد هقول.
حقيقة قصة الحب الجديدة للفنانة رانيا يوسف
أكدت رانيا يوسف إعجابها بالشخص فقط دون وجود ما يسمى بالحب، مع تصريحاتها التي أثرت الجدل، وأنا كنت قافلة الباب تماما لحد من 3 أو 4 اشهر، كنت مقررة إني مش هتجوز ولا هحب وده عشان نفسي كانت مسدودة من كل اللي شايفاه قدامي من علاقات فاشلة.
وأضافت رانيا يوسف: لكن دلوقتي فيه إعجاب متبادل مع شخص، مواصفاته إنه متواضع جدًا، مكافح في حياته وبدأ من الصفر، وهو أب لابن وحيد، ومطلق لكن واخد باله من ابنه وصديق لطليقته كويس، وعلاقتهم صحية هو أكبر مني بـ 4 سنين، مش هلبس فستان فرح طبعا لأني بكره كل التقاليد دي.
المشاركة في الأعمال من أجل المال
كشفت الفنانة رانيا يوسف عن أن هناك عددا من الأعمال الفنية التي اشتركت فيها وافقت عليها فقط من أجل المال ومن أجل استمرار العمل والحياة.
وقالت رانيا يوسف: طبعا فيه أعمال قدمتها علشان الفلوس، وكانت معتمدة على فكرة جمالي بس، وفي العادي كان ممكن ماقدمهاش، بس قدمتها لأن فى الأول والآخر إحنا في شغل مفيهوش مرتب ثابت، ولا حد يضمنلك إن فيه فلوس دخلالك كل شهر.
وتابعت رانيا يوسف: إحنا بيبقى عندنا التزامات ومتطلبات في الحياة وحاجات محتاجينها، ولازم يكون معانا فلوس، وأحيانا بنضطر إننا نوافق على أعمال علشان تدخلنا فلوس.
زيجات رانيا يوسف
يذكر أن الفنانة رانيا يوسف تزوجت ٣ مرات كان الزوج الأول لها هو المخرج محمد مختار الذي أنجبت منه ابنتين وتم الطلاق بعد 12 سنة زواج ثم تزوجت مرتين بعد ذلك لكنها انفصلت عنهما.
