كشفت الراقصة صافينار، عن أسباب عدم مشاركتها في الأعمال الفنية في الفترة الأخيرة بعد انفصالها عن المنتج أحمد السبكي فنيا، مؤكدة أنها حاليًا تختار أعمالها بعناية وأنها ما زالت تمارس مهنة الرقص في أحد الملاهي الليلية بسبب احتياجها للمال.
صافينار ترقص في “ديسكو”
قالت الراقصة صافينار: أنها مُقلة في الشغلي في الفترة الأخيرة لأن بيجلي وقت بكون مش عايزة أشتغل في ديسكو، ولكن بحب أشتغل فنيًا لايف وأرقص على أغاني عبد الحليم حافظ وأم كلثوم وفن بجد لأني بكون عايزة استمتع على المسرح.
وتابعت: لما بشتغل في الديسكو ده علشان محتاجة فلوس ومصاريف لأن عندي التزامات وبكون بتنطط زي القرد من هنا لهناك وأرقص على أغاني شعبي مش ده الفن إلا بجري وميّتة عليه.
صافينار ترد على اتهامات الإغراء
وردت الراقصة صافينار على الانتقادات التي تتعرض لها بسبب جرأتها في الرقص والملابس قائلة: رقصي مفيهوش إغراء ولو قارنا بين راقصات زمان ودلوقتي هنلاقي زمان كان فيه إغراء أكثر، والراقصات كانوا بيلبسوا بدل من غير شورتات لكن إحنا على الأقل بنلبس شورت.
موعد اعتزال الرقص
كشف الراقصة صافيناز عن رغبتها في اعتزال الرقص نهائيا وقالت: بفكر في قرار الاعتزال ولكن مش هاخده غير لما أتجوز وأخلف أولاد وقتها بس هسيب الفن نهائيًا ومش هرجعله تاني ولما هعتزل الفن هيكون بمزاجي مش بمزاج زوجي.
آخر أعمال صافينار
شاركت الراقصة صافينار في بطولة فيلم إنت حبيبي وبس، الذي عُرض عام 2019، وتناول العمل في إطار كوميدي، حول الفنان المشهور زيكو، الذي يضطر للزواج من بوسي، بعد أن اشترط جدهما في وصيته زواجهما للحصول على الميراث والذي يبلغ خمسة مليون جنيه، ومع تطور الأحداث يتحول ارتباطهما إلى حب حقيقي.
