انا أحمد من المنيا 27 سنة مدرس رياضة بعد اسبوع من زواجي جالنا أصحاب مراتي علشان يسلموا ويطمنوا عليها كلهم من نفس سنها كانو أصحاب من الجامعه وأنا أعرفهم من أيام الخطوبه وكانو دايما مع بعض في الجامعه هي أول واحده في أصحابها تتجوز كانت سهره حلوه جدا هزار وضحك وطبعا اتفرجو علي كل الشقه والحاجات بتاعتها ولبسها كله وكانوا معجبين جدا بديكور الشقه والعفش والأجهزة ماسبوش حاجه الا لما شافوها وكانت اجمل الزيارات اللي جتلنا بعد فرحنا مشيوا حوالي الساعه عشره بالليل قامت مراتي تظبط الصاله وتشيل الكوبيات والحاجات اللي استعملناها وراحت تغسلهم في المطبخ وأنا اساعدها وانضف السجادة والترابيزه ومكان ما كنا قاعدين.
خلصنا وقعدنا نهزر ونتفرج علي التليفزيون وكان فيلم رومانسي خلصنا الفيلم وقمنا عشان ننام دخلت اخدت دش وهي كمان اخدت الدش بتاعها ودخلنا اوضيتنا ودخلنا السرير وبنتكلم عن أصحابها اللي كانوا لسه ماشيين لقيت حد بيخبط علي باب الأوضه انا قولت اكيد تهيؤات وتقريبا هي كمان مركزتش مع الصوت وكلملنا كلام عادي مفيش ربع ساعه لقيت خبط علي الباب تاني بصينا لبعضنا وقولتلها في دي تاني مره اسمع الصوت ده قالتلي وأنا كمان واحنا متأكدين أن مفيش حد غيرنا في الشقه وأنا متأكد أني قفلت الباب كويس سكتنا وهي خافت وانا قولتلها ثواني قمت نورت النور الكبير وخرجت اشوف في ايه ملقتيش حاجه نورت كل نور الشقه وشوفت كل الأوض ملقيتش حاجه رجعت لقيتها مړعوبه قولتلها مټخافيش مفيش حاجه ممكن يكون حد من جيرانا في الدور خبط بصوت عالي شويه واخدتها في حضڼي عشان تتطمن
وفضلت اهديها لما نامت وانا متأكد أن الخبط كان علي باب الأوضة نامت ونمت أنا كمان وصحيت الصبح لقيتها صاحيه ومجهزه الفطار فطرنا عدي اليوم تمام وأول ما دخلنا الأوضه ونمنا علي السرير لقينا الصوت تاني لقيتها اتنفضت من الخۏف جانبي طمنتها وقمت من جانبها اخدت بخاخه فاضيه وعبيتها مياه وقريت عليها الرقيه الشرعيه وآيات معينه سورة البقرة وآل عمران والصافات آية الكرسي والمعوذتين والأخلاص بعد ما رشيت الشقه بالميه اللي قريت عليها قرءان الا الحمام وشغلت التليفزيون علي قناه القرءان الكريم ودخلت الأوضه وبقرب من مراتي لقيت باب الشقه الخارجي بيخبط تاني طبعا مراتي بقت ميته من الرعب بس انا اتأكدت اني اثرت علي المخلوق ده وقدرت اخرجه من الشقه طمنتها وقولتلها مش هتسمعي صوت تاني خرجت فتحت باب الشقه ورشيت قدامها تقريبا رشيت الدور كله والسلم فوق وتحت وباب الأسانسير ودخلت عشان اشوف اخرتها معاه
اكيد الكل مستغرب أنا ليه بتعامل بهدوء كدا ومش خايف ودا أولا عشان أنا ليه شيخ صديقي وحضرت معاه اكتر من موقف ثانيا عشان مراتي تحس بالأمان ودخلت الأوضه ومنتظر اشوف هيخبط تاني ولا ايه كلام عادي مفيش ربع ساعه لقيت خبط علي الباب تاني الحمدلله ملقيتش صوت تاني يوم اتصلت بصديقي وقولتله علي اللي حصل قالي اكيد ده عمار البيت وانت كدا خلاص مشيته بس هعدي عليك احصن البيت وجه بالليل وأول ما دخل الشقه لقيت مراتي وقعت من طولها بقولها في أيه قالتلي رجليا أنا اتشليت شلتها نيمتها في سريرها وخرجت بيسالني في ايه قولتله سكت وقالي كدا الموضوع مش عمار المكان روح هات لي كوبايه فيها شوية ميه جبت له البخاخه اللي استعملتها وبيتها ميه مسكها بدء يقرء فيها بصوت واطي حوالي ربه ساعه لقيت مراتي بتصرخ جوه دخلت لقيتها وشها أزرق وبتتخنق ومش عارفه تتنفس ناديت عليه بسرعه الشيخ قراء علي رأسها وفضل يقرء حوالي نص ساعه لقيت وشها بدء يرجع تاني وبتتنفس بهدوء وراحت في النوم اخدته وخرجنا قعدنا في الصاله وانا مستغرب في ايه بسأله في ايه قالي مين دخل اوضتكو من بعد الجواز قولتلوا طبعا قرايبها يوم الصباحيه وصحابتها اللي لسه كانوا موجودين من يومين قالي طيب أنا هنزل وارجعلك تاني بسأله طب في ايه قالي لما ارجع هتعرف
ونزل جاب بخور ومية وموارد وحاجه كدا اسمها حنتيت وحاجات انا معرفهاش وجاب فحم وقالي هات لي حله كبيره مليانه ميه وحاجه اۏلع فيها الفحم جبتله اللي طلبه ودخلنا الاوضه ولسه مراتي نايمه محستش باي حاجه مع ان نومها خفيف جدا اقل حاجه بتصحيها ولع الفحم وحط عليه بخور وبدء يقرء شويه ولقيت مراتي بتزوم وبتصرخ وبتقوله اخرج برا انتي جاي تعمل ايه انت عايز تموتني رد عليه الشيخ قاله أنت اللي بتعمل ايه هنا وعايز منها ايه قالوا أنا غصب عني مأمور أني
ابعدهم عن بعض واخرب البيت الشيخ قاله مين اللي بعتك وعايز يخرب البيت ليه سكت ومش عايز يرد الشيخ سأله تاني برده ساكت رجع الشيخ يقرء تاني وحط بخور من نوع تاني الجن وقتها بدء يصرخ ويتألم ويقوله كفايه ھتحرق كفايه ھتحرق الشيخ سكت وقاله قول علي حاجه اسمك وديانتك ومين اللي بعتك قاله ھيقتلوني ويقتلو أولادي اخدوهم عندهم رهاين لو منفذتش المطلوب ھيقتلوهم ويقتلوني الشيخ أنا كدا كدا ھحرقك لو ما قولتش بس لو جاوبت علي اسئلتي وخرجت منها هساعدك واساعد أولادك ود عهد عليه عاهدني قاله مش هتكلم والا هسيب الجسد ده الا لما تنفذ عهدك وتنفذ أولادي الشيخ سكت واخد حته من بخور الحنتيت وحطها علي الڼار وبدء يقول كلام مش مفهوم ويشاور باديه وبصوابه الكلمه الوحيده اللي فهمتها العجل العجل الساعه الساعه وفضل يكررهم كتير وسكت شويه وضحك وقال الجن طلبك اتنفذ أولادك في أمان رد علي اسئلتي .
