كشفت الفنانة لوسي عن تعرضها لوعكة صحية وعاشت أوقات صعبة بعد خضوعها لـ3 عمليات قسطرة بالقلب في الفترة الأخيرة.
وقالت لوسي خلال لقائها في برنامج “عندي سؤال” من تقديم محمد قيس عبر قناة “المشهد” إنها لم تخبر أحد بهذا الأمر ولا تتحدث فيه كثيرا.
وحكت الفنانة لوسي أن سبب تعرضها للأزمة الصحية هو الدخان الكثيف الذي تستنشقه خلال عملها في “الكباريه” وتقديمها لفقرات قائلة: أبشع ما في الكباريه الدخان خصوصا اللي بيشرب سيجار وبايب، وإنت بتعمل مجهود فكل رئتك مفتحه وكل دا يأذي الفنان أنا تأذيت من الدخان.
لوسي تخضع لـ3 عمليات في القلب
وقالت لوسي: حسيت بضربات قلب غريبة ونفسي مش مظبوط، رحت لدكتور القلب وكان أمين جدا معايا، قالي أنا مقدرش أعمل معاكي حاجة إنتي شخصية عامة والحالة اللي إنتي فيها لازم تسافري برا فدموعي نزلت بقى عندي إحباط، أنا مش عايزة أسافر عايزة لو في أي حاجة أبقى في بلدي لو جرالي حاجة، مكنش عندي هاجس الموت كان جوزي مخضوض عليا جدا قلت له متخافش ربنا بيدي إشارة وعلامات للموت وأنا دايما متفائلة.
وتابعت لوسي: رحت لدكتور شاطر جدا في القلب كلمته كانت طريقته لذيذة جدا قالي المزة بتاعتنا الحلوة، “المزة” في لغة العوالم يعني الليدي، طمني وقالي متقلقيش كل حاجة هتبقى كويسة قلت له إيماني بربنا أني هعدي بخير، وعملت 3 عمليات قسطرة.
آخر أعمل لوسي
وكان آخر عمل فني شاركت فيه الفنانة لوسي هو الجزء الثالث من مسلسل “المداح” الذي عرض في رمضان 2023 من بطولة حمادة هلال وهبة مجدي ومحمد رياض وخالد سرحان ودنيا عبد العزيز وحنان سليمان ويسرا اللوزي، تأليف أمين جمال ووليد أبو المجد وإخراج أحمد سمير فرج.
