حلت الفنانة مي سليم، ضيفة على برنامج “القاهرة اليوم” مع الفنان إدوارد والإعلامية نانسي مجدي.
وكشفت مي سليم عن آخر أعمالها الفنية وهو فيلم يحمل اسم “بنقدر ظروفك”، بطولة الفنان أحمد الفيشاوي، وقالت مي: “مؤخراً بقيت بحب أختار أدواري اللى بحس إنها هتضيفلي وهضيفلها، على عكس الأول كنت بحب أشتغل كتير علشان أشوف نفسي في كل دور”.
وتابعت: “لما جالى فيلم بنقدر ظروفك؛ حسيت إن الحكاية نفسها مختلفة وما اتطرحتش قبل كده، وهو بيتكلم عن الأسعار والمناطق العشوائية وحب الناس لبعض، ومبسوطة جدا بفريق العمل”.
وأضافت: “الشغل مع الفيشاوي جميل، وهو فنان موهوب بشكل غير عادي، وبيذاكر الشخصية كويس جدا والكيميا بينا كانت حلوة”.
وردت “مي” على شائعة زواجها من الفيشاوي، وقالت: “إحنا محدش فينا أعلن عن الفيلم خالص، وهو قالي إيه رأيك ننزل صورة من الكواليس؛ فاختارنا صورة الفرح على أساس إن طول الفيلم إحنا متبهدلين ودي أكتر صورة شكلنا حلو فيها، ولما نزلها؛ نسي يكتب من كواليس فيلم كذا”.
أما عن موقفها من الجواز، فأكدت مي أنه عند ظهور شخص مناسب؛ من المحتمل أن تتزوج مرة أخرى.
وأكدت مي سليم خلال حوارها أنها لا تفكر في الأطفال مرة ثانية، وبأن طفلتها تغنيها عن التفكير في الأمر، ولكن من الممكن الإنجاب مرة أخرى مع ظهور شخص تحبه.
