![بكت بسببه على الهواء.. من هو والد هنا الزاهد الحقيقي؟ بكت بسببه على الهواء.. من هو والد هنا الزاهد الحقيقي؟](wp-content/uploads/2024/07/Screenshot_20240717_145014-780x470.jpg)
تصدرت الفنانة هنا الزاهد مؤشرات التريند في الساعات الماضية، بعد حديثها المؤثر عن والدها، في برنامج صاحبة السعادة الذي تقدمه الفنانة إسعاد يونس بقناة دي ام سي.
وتزايد بحث الجمهور عن هوية والد الفنانة هنا الزاهد الحقيقي بعد تحديثها عنه لمعرفة ومن هو؟.
![](wp-content/uploads/2024/07/FB_IMG_1721216137180-672x800.jpg)
من هو والد هنا الزاهد الحقيقي؟
ووالد الفنانة هنا الزاهد هو واحد من الشخصيات العادية في المجتمع المصري الذين ليس لهم أي شهرة إعلامية، وهو شخص من خارج الوسط الفني، وعن اسمه فإنه يحمل اسم عادل الزاهد وهو من الأشخاص الذين عملوا في المشاريع الاستثمارية في مصر وكان قد ظهر برفقتها في أكثر من مناسبة تتعلق في العائلة.
![](wp-content/uploads/2024/07/FB_IMG_1721215976239-800x800.jpg)
وخلال اللقاء تحدثت هنا الزاهد عن والدها قائلة: بابا موجود وكان في فرحي بس مش قريب خالص مننا، وكان نفسي يكون قريب، وسبب من الأسباب اللي كان بيخليني أخاف أغلط لإن بابا ما كانش في حياتنا وأمي هي اللى كانت موجودة بس.
وتابعت هنا الزاهد باكية: شُفت الفنان صلاح عبد الله وهو بيبكي بحرارة في فرح بنته، وقتها رُحت في جنب وفضلت أبكي كان نفسي أحس الاحساس ده، بابا إنسان كويس بس هو بعيد وافتقدت مشاعر الأب وهو عنده عائلة تانية، الفنان الراحل طلعت زكريا ملأ الحتة اللي كان بابا سايبها بس مهما يكن ما كانش زي بابا.
وتابعت: خايفة من فشل الزواج علشان ما أكررش اللي حصل من بابا معانا وابتعاده عننا، أنا ما بعرفش أحب حد في سني لازم يبقى أكبر مننا علشان أعوض حتة بعد بابا عني.
![](wp-content/uploads/2024/07/FB_IMG_1721216131650-663x800.jpg)
هنا الزاهد تتحدث عن زوج والدتها
تطرقت هنا الزاهد خلال حديثها عن علاقتها بعائلتها، واستعادت ذكرياتها مع زوج والدتها الفنان الراحل طلعت زكريا، وعن دخولها في أزمة نفسية بسبب مرض والدتها.
ووعن علاقتها بزوج والدتها الفنان الراحل طلعت زكريا قالت: الله يرحمه طلعت زكريا ملا الحته دي بس مش 100%، وكان يقعد مع أميمة أنا كنت بغير وطبعًا دي بنته نور عينيه وكانت تقعد على حجره وأنا كنت أبص أقول الله يا بختها وهو ادانا كتير من حبه وعاش معانا 13 سنة وكان ونعم الراجل وربانا وإنسان مفيش زيه ربنا يرحمه يارب، بس أنا كان طول عمري نفسي أحب حد أكبر مني شوية عشان أحس الحته دي”.