كشف مطرب المهرجانات عمر كمال، في تصريحات لبرنامج “حد النجوم”، المذاع عبر القناة الأولى المصرية، عن مواصفات فتاة أحلامه، ورأيه في الزواج والإنجاب.
وقال “عمر كمال”، إن مواصفات فتاة أحلامه تكون “طيبة وبنت حلال”، متابعًا: “عايز واحدة شغلتها في الحياة يكون أنا، مش عايزة واحدة تتشتغل ومش عايز أخلف عيال، عايز يبقى عندي زوجة وعيال لأ”.
وأضاف: “العيال مسئولية ووجع قلب، مسئولية تقيلة أجيب طفل للحياة وأبقى مسئول عنه وعن زعله، أنا مش هعرف أربي عيال ومش فاضي، أنا أب حنين أوي وهبوظ الواد”.
وأكمل: “أنا مش عايز أخلف عشان لو حبيت أنفصل يكون بسهولة، أنا إنسان مزاجي والشغل بيتحكم في مزاجي جدا، كل يوم بصحى بحال ممكن أغنية أنزلها لو منجحش يبقى مزاجي زي الزفت”.
جدير بالذكر أن عمر كمال يستعد لطرح أغنية بعنوان “أنا بطل السوق” بمشاركة المطرب محمود الليثي.
تعد “بطل السوق” ثاني أغنية تجمع المطربين محمود الليثي، وعمر كمال، بعد أغنية ” أخوك يشرف بلد”.
