صرحت الفنانة شيرين عبد الوهاب عن تفاصيل وتطورات تخص علاقتها بطليقها حسام حبيب.
قالت شيرين عبد الوهاب: “حسام واخد مني عربية رانج روفر موديل 2008، وساعتين رولكس Rolex، وبقاله حوالي 4 سنين هو المسؤول عن الأمور المادية في شغلي، ومفيش يوم حاسبني فيه، أنا معرفش الراجل ده سرقني في قد إيه”.
وتابعت شيرين عبد الوهاب: كنت ساكنة في شقة فيها خزنتي، كسروا الخزنة وطلعوا منها التنازلات، بفتح حاجتي لقيت أغلبها مش موجودة، وحسام بيكلمني بشتيمة وقلة أدب، وقال لي إنتِ بتشككي فينا، رغم إني متهمتوش بأي حاجة، وقلت له دا إهمال مني وأنا لازم أدفع التمن.
ونُشر صورة لمستند تحويل مالي يصل إلى 200 ألف جنيه، أي ما يعادل 9 مليون و840 ألف جنيه مصري، بسبب إدارته لأعمالها في السنوات الأخيرة، وعلقت شيرين عبد الوهاب على ذلك قائلة: “حولت لـ حسام حبيب 200 ألف دولار، لأنه بيقول إنه ساعدني في شغلي، وهو اللي كان بيعمله كله كان بيطلعني السلم بتاع المسرح”.
وقالت شيرين عبد الوهاب: تنازلت عن المحضر ضد حسام حبيب، وحولت له المبلغ المالي ليبتعد عن حياتي، لكن حسام حبيب بيهددني وبيتبلى عليا، أنا مش صغيرة وست عندي بنتين في أخطر مرحلة في حياتهم، بناشد المسئولين، الراجل ده ضيعني وبيهددني ببناتي وبيقول لي كلام يدخله السجن.
يشار إلى أن شيرين عبد الوهاب تغيب عن جمهورها بعض وقوعها في أزمة جديدة مع طليقها الفنان حسام حبيب، بعد اتهامها له بالتعدي عليها بالضرب.
وكان الطبيب المعالج لشيرين كشف في تصريحات مؤخرا عن تفاصيل حالتها الصحية، بعد انتشار أنباء حول عدم استقرار حالتها الصحية وإلغاء حفلها في تركيا.
