سعره صدم الجميع.. تيشيرت محمد حماقي في حفل “صيف جدة” يثير الجدل
أحيا النجم محمد حماقي حفلا غنائيا ضمن فعاليات صيف جدة بالمملكة العربية السعودية مؤخرا على مسرح عبادي الجوهر وسط حضور كبير من الجمهور للاستمتاع بأغاني الفنان محمد حماقي.
وظهر محمد حماقي في الحفل وهو يرتدي تي شيرت من قطن الفسكوز، بألوان وخطوط مموجة، من العلامة التجارية Missoni، يصل سعره إلى 27 ألف جنيه.
وصية محمد حماقي
وكشف محمد حماقي، في وقت سابق عن وصيته لابنته فاطمة بعد وفاته، خلال لقائه في برنامج بيج تايم الذي يقدمه الإعلامي عمرو أديب.
وقال حماقي: فاطمة بنتي أحلى حاجة حصلتلي وكنت بسمع قبل ما أخلف إن أقوى حب هو حب الأب لأولاده بس ماكنتش متخيل الإحساس وهو أقوى من الوصف ودخلت العمليات عند ولادتها وحسيت ساعتها كأنه شريان جديد واتفتح.
وتابع: فاطمة بنتي بتقول للناس أنا ببايا حماقي بس بتقول لي بابا وبعد 4 سنين من ولادتها بقت العلاقة قوية بينا وبتلعب كورة وأهلاوية زي بس مش بالعافية.
وأكد حماقي: قولت محدش هيتجوز بنتي غير لما أموت ابقوا جوزوها ولا يمكن أديها لراجل وأنا أوحش من عادل إمام في فيلم عريس من جهة أمنية في الحتة دي، وعارف إنه غلط بس أنا هعمل كده.
وأوضح: التحديات اللي قابلتني في مشواري إني كنت بدخلها وأنا عندي يقين إني هكسب، معقبًا: طلع عين اللي جابوني في المزيكا واشتغلت في كل حاجة، وكنا بنغني في أفراح وسط السطوح وأخويا لما كان يبقى عنده رحلة في الجامعة كنت باخد الفرقه ونروح نغني ببلاش عشان الناس تسمعنا واتعلمت من ده كله بضمير.
