تصدر الفنان أحمد الفيشاوى محركات البحث والتريند في الساعات الماضية بعد التصريحات النارية التي تحدث فيها عن حياته الشخصية خلال ظهوره فى أحد البرامج عبر “يوتيوب”مما أثار حالة من الجدل الكبير بين الجمهور والمتابعين.
وقال أحمد الفيشاوى فى البرومو الذى عرض على منصة “يوتيوب” : كنت ببقى قاعد على الكنبة مش بقوم لحد ما اكتشفت إني بضيع مستقبلي واسم عيلتي والدنيا هتبوظ، وأوقات كنت ببقى كاره نفسي ومكسوف منها واتجوزت 5 مرات كنت بحاول أعمل عيلة وفشلت.
أحمد الفيشاوي يكشف عدد زيجاته لأول مرة
وتابع: قررت أعيش لوحدي وأربي نفسي من أول وجديد وأشوف أي اللي بيحصلي ده، وعندي أفلام كتير هتأثر لمدة سنين طويلة بس أما ابقي مخرج اكيد الموضوع هيختلف.
سبب اعتذار أحمد الفيشاوي عن فيلم “ولاد رزق 3”
وفي وقت سابق، وجه الناقد الفني طارق الشناوي، رسالة للفنان أحمد الفيشاوي بعد اعتذاره وعدم مشاركته في فيلم ولاد رزق 3 ، الذي يعرض حاليا بالسينمات.
وقال طارق الشناوي: “أحمد الفيشاوي خسر بعدم مشاركته في فيلم ولاد رزق 3، وهو موهوب، بس معندوش عقل يدير الموهبة، لأنه في ذهنه أن لازم يقدم بطولات بس في السن ده وتابع: “لكن المشهد اللي بيكسب زي كريم عبد العزيز الناس سقفت لما شافته في آخر دقيقة في الفيلم.
