تداول رواد مواقع التواصل صورة لفتاة جميلة خلال أداء مناسك العمرة، قيل أنها تخص ابنة فنان شهير وسط تفاعل كبير من الجمهور والمتابعين .
وبالبحث تبين أن هذه الفتاة هي بسنت ابنة الفنان الكبير أحمد صيام، والصور خلال أدائها مناسك العمرة.
من هي بسنت ابنة الفنان أحمد صيام؟
وحرصت الفنانة بسنت صيام على تأدية مناسك العمرة وإهداءها للفنانة القديرة الراحلة سعاد حسني وذلك لتوفي ما وعدت به الله أمام نفسها من شدة حبها لسعاد حسني والتي لها الفضل عليها في حبها للفن والتمثيل.
قالت بسنت صيام عبر حسابها الرسمي بموقع تبادل الصور والفيديوهات انستجرام: وعدت ووفيت يا ست سعاد.. الحمد لله وربنا يتقبل العمرة التانية اللي عملتها كانت لسعاد حسني وعد كنت وعدته من وأنا صغيرة أن أول ما ربنا يكتبلي عمرة هعملها واحدة.
وتابعت: حبي ليها مش حب عادي اللي يعرفني عارف ان بيتي كله صورها عندي لبس وشنط وحاجات كتير عليها صورها.. أنا حبيت الفن منها وأنا صغيرة كنت عايزة أمثل عشان أمثل افلامها بس مش هو ده الحب أنا بحبها اللي هو ديماً بترحم عليها وادعيلها واقرالها قرآن وطول عمري شايفة اني معنديش هدية اكبر ولا احلى من العمرة اهديها بيها والحاجة الوحيد اللي ممكن تكون هي محتاجاها وكمان هي معندهاش أولاد وللأسف على قد ما الناس كلها بتحبها الناس مبتفتكرش تترحم ولا تدعي للفنانين معرفش ليه.
وأضافت: أنا مكنتش ناوية اتكلم في الموضوع ده عشان دي حاجة بيني وبينها وبين ربنا بس بقالي شوية بضايق وبستغرب اوى ازاي الناس تكون بتحب فنان او فنانة اوى و يجروا عشان يتصوروا معاهم و في نفس الوقت يقطعوا فيهم و يشتموهم و يستحلوا الكلام في عرضهم كدة… بجد حاجة مخى مش فاهمها.
