يبدو أن قصة توأم الفنانة المصرية زينة لم تنتهي بمجرد حكم المحكمة، فرغم تسجيلهما باسمه، جدد الفنان المصري أحمد عز تأكيده على رفض نسب توأم زينة إليه، مشددًا على أنه لا يكذب على الله وأنه لا يهتم بحياته الفنية لدرجة أن يكذب على الناس وعلى ربه، وقال: «للمرة المليون دول مش ولادي».
أحمد عز قال في مداخلة هاتفية لبرنامج «نص الليل»،: «كلامي مش هيتغير من هنا لحد ما أموت، وأهم حاجة صورتي عند ربنا ولو هبطل تمثيل وأفتح كشك سجاير، وللمرة المليون دول مش ولادي، ربنا عالم بالحقيقة، صورتي عند ربنا أهم من صورتي عند الناس، حتى لو هبطل تمثيل وهفتح كشك سجاير، أنا مش بهزر في الحاجات زي دي، الموضوع منتهي».
الفنان المصري وجه رسالة لزينة قال فيها: «حتى لو حاولتي تعملي إيه تكتبي أو تغلطي أو تأجري ناس تكتب، فربنا اللي مقدره هو اللي هيحصل، واللي عارفني عن قرب متأكدين إني معملش كده، وعارفين أنا مين ومتربي إزاي، ولكن سُنة الحياة كل ما يبقى فيه نجاح لازم يبقى فيه هجوم».
وعن استخدامه «حقن البوتكس»، قال: «أنا معرفش الرغي ده منين، واتعودت على كده، مفيش أدوار سينمائية تحتاج بوتكس، الناس بتحاول ترغي حواليا، دي سُنة الحياة، الناس عايزة تنشر الشائعات، وأنا مش مهتم وأهم حاجة صورتي عند ربنا».
https://youtu.be/Cfp5G9QEbBk
