بعد أن كثرت أسئلة الجمهور حول كيفية تصوير الفنان المصري عمرو يوسف مشهد سقوطه من على الشرفة من فيلم «هيبتا»، قرر الفنان أن يكشف تفاصيل تصوير المشهد.
عمرو يوسف نشر صور له وهو مربوط من الخلف بذراع أحد العاملين المدربين عبر «أنستجرام»، وعلق قائلًا: « بحكي الحكاية دي عشان اتسألت كتير عن المشهد ده و اذا كان بجد ولا جرافيك ، في الصورة اللي قبل دي في ونش و انا مربوط بحبل في الونش ده و الحبل مش مشدود عشان يسمحلي بحرية الحركة علي السور بس في حالة الوقوع الحبل يتشد فنتفادي الموت بس ممكن شوية كسور ، و فجأة قرر هادي الباجوري انه عايز يصور شوت واسع بس لازم في الحاله دي نشيل الونش عشان ميظهرش في الكاميرا و ساعتها الحبل بقي مربوط في دراع بني ادم بدل الونش ، ده اسمه (اندرو ماكينزي) من اشهر الناس في الشغلانة دي ثقتي فيه خليتني احط حياتي في ايديه و بس ، و كمان و ده الاهم ان اللي بيحب شغله ممكن يعمل اي حاجة عشان يطلعه في احسن صورة لأن حقيقي ماكنش في حاجة في الدنيا ممكن تخليني اعمل كده غير حبي لشغلي و احساسي اني عايز اطلعه في بأحسن شكل».
يُذكر أن فيلم «هيبتا» حقق نجاحًا كبيرًا بعد عرضه بالسينما، وشارك ببطولته ياسمين رئيس، دينا الشربيني، أحمد داوود، ماجد الكدواني.
شاهد فيديو فنانين غدر بهم الزمن وماتوا فقراء
