إيناس عز الدين ترد على الساخرين من زيادة وزنها وتكشف عن مرضها.. شاهد
ردت الفنانة المصرية إيناس عز الدين، نجمة برنامج “أراب ايدول”، على الانتقادات التي تعرضت لها بسبب زيادة وزنها، ووجهت رسالة لمنتقديها أكدت فيها أن ثمنتها نتيجة لمرضها.
إيناس عز الدين، قالت عبر صفحتها الشخصية بموقع “إنستجرام”: “يا جماعة والله أنا ما خسيتش ومش هينفع أخس طبيعي والتخن مش كله أكل ولا كله قلة حركة ورياضة وكفاياكم بقى تحكموا على الناس بمزاجكم فيه تخن مرضي ربنا يكفيكم شره مالوش علاقة لا بأكل ولا بحركة”.
وأضافت: “أنا مش باكل تقريبا لأني عندي مشاكل في معدتي معيشاني تقريبا في المستشفيات زي ما انتوا شايفين في الصورة دي بقت حياتي اللي ماحدش يعرفها غيري أنا وأهلي وجوزي وبتخليني مش بعرف أكل أو أشرب زي الناس الطبيعيين وربنا يعلم أنا عايشة أزاي وأنا بتحرك كتير جدًا وبعمل رياضة وبطلع وأنزل سلالم وبمشي وبجري كتير يعني الموضوع مختلف”.
وتابعت: “أنا مبسوطة كده وبحب نفسي كده وصعب عليا أعمل عملية علشان أخس وأنا بخاف أصلًا من العمليات والعملية مش سهلة ومش هعملها علشان أرضي الناس يوم ما هعملها هيبقى علشان أرضي نفسي خصوصًا إنكم لما عرفتوني وشجعتوني وحبيتوني ونجحتوني كنت كده تخينة وحبيتوني زي ما أنا.. أنا رافضة إنكم تحبوني بس بشروطكم.. دي أنا واللي هيحبني هيحبني زي ما أنا”.
كما وجهت “عز الدين”، الشكر، للمصور يوسف محى الدين، عن صورها في آخر حفلاتها الغنائية بالإسكندرية، بقولها: “أما عن صوري الأخيرة فدي شطارة المصور اللي عرف ياخد زوايا ما تبينش وزني وبشكره جدًا طبعًا”.
واختتمت رسالتها قائلة: “بشكر كل الناس اللي بتحبني زي ما أنا وهتفضل تحبني سواء فضلت تخينة أو لو عملت العملية و خسيت في يوم من الأيام”.
