زوج دنيا سمير غانم يتعرض لأغرب حادث.. تعرف على تفاصيله
تعرض الإعلامي رامي رضوان، زوج الفنانة دنيا سمير غانم، لأغرب حادث، وذلك أثناء قيادته سيارته على طريق الساحل الشمالي.
رامي روى تفاصيل ما حدث ، بقوله: “ماشي في أمان الله على طريق الساحل الشمالي متجها الى بعض الأصدقاء.. وفي إحدى المناطق المظلمة.. اذ فجأة.. صوت إنفجااااااار غير طبيعي يضرب أذني ويرج السيارة رجة غير مفهومة ويضعني في حالة من الصدمة والإستغراب والتساؤلات التي لا حصر لها”.
وتابع: “فردة ضربت؟!.. لا مافيش اي خلل في الدركسيون ولا العربية ريحت في اي اتجاه.. ابص في المرايات..ولا في اي حاجة وراه غير كحححل.. يبقى ياخرطوشه يا دبشة/طوبة/زلطة؟.. كل ما مضى كان في ثواني قليلة.. وخلالهم تمسكت ومافكرتش في اي بديل عن اني أستمر في السواقة ولا اقف ابدا”.
وأضاف: “وصلت لأصدقائي نزلت من العربية ورحت ابص ايه اللي حصل..الازاز اتسرطن واتخرم خُرمين كبار شوية..فتحت ابص هل في بقايا بلي خرطوش..رش..تراب من طوبة..مالاقيتش غير كسر الإزاز اللي وقع..رجعت ابص على مكان الضربة..لاقيت خدش في الصاج من أثار هبدة طوبة على الأرجح”.
رامي وجه عدة نصائح لجمهوره بعد هذا الحادث، قائلا: “الخلاصة..خلي بالكم من نفسكم..مش هقول ماتمشيش متأخر.. لان زيه زي البدري. لما الليل بينزل..مش فارق اوله من اخره.. وفي الساحل الحقيقة والمصايف بصفة عامة الشارع مابيهمدش.. ده غير انك لو ماشي الصبح ونصيبك تلبس طوبة (بعد الشر عنكم جميعا) فهتلبسها.. المهم ماتفكرش تقف بالعربية وخليك مكمل لاقرب وأءمن مكان.. (ماكنش ياخد قرشين ويوفر عليا مشوار تصليح الإزاز ابن الموكوسه ده..عليه اللعنة)”.
