روى السيناريست المصري بلال فضل قصة خلاف حدث بين الفنان المصري عادل إمام وبين الراحل أحمد زكي في حفل زفاف رامي عادل إمام.
فضل قال إنه كان في أحد المطاعم مع زكي وبدأ حديثه قائلا: «شوفت اللي عمله عادل من يومين في فرح ابنه رامي؟»، وأكمل الفنان الراحل سرده لفضل: «يعني أنا أروح عشان أجامل رامي، وعشان بحب عادل، والصداقة القديمة معاه وبقول النفوس تصفى، وفي داهية الخلافات اللي بينا».
وأكمل زكي: «دخلت أسلم على رامي وقاللي بحبك يا أستاذ، وقعدت مع صلاح السعدني ومحمد عبدالعزيز وعمر عبدالعزيز»، وأشار فضل إلى أن عادل إمام توجه للفنان الراحل وقال له: «شوفت يا أحمد خلاص هنموت، كبرنا وبنجوز العيال وشكلك هتموت قريب، وأنا عجزت وهموت أنا كمان».
وكشف فضل أن عادل إمام يعرف من خلال علاقته القديمة بأحمد زكي أن الأخير يخشى الموت، ما دفعه لقول تلك العبارات على سبيل الدعابة، وكان رد الفنان الراحل على هذه الكلمات: «ربنا يديك الصحة إحنا لسه شباب».
وأردف فضل: «يقوم لافف وجاي لأحمد في حتة تانية ويقول له: خلاص هنموت ويلا حسن الختام وجوزنا العيال وبقينا عواجيز»، ليرد زكي: «لا لا، إن شاء الله ربنا يديلنا طول العمر»، وكرر الزعيم جملته: «ياه.. الأيام بتجري وخلاص هنموت يا أحمد»، ما أغضب الأخير ودفعه لترك الحفل، بعد أن قال: «كفاية بقى طلعت عيني بسيرة الموت».
