بعد العديد من التخمينات، كشفت الفنانة المصرية منة فضالي السبب الحقيقي لخلافها مع الفنانة سارة سلامة، والذي حدث أثناء تصوير مسلس «وش تاني».
الفنانة الشابة منة فضالي قالت، خلال برنامج «المتوحشة»، الذي تقدمه الإعلامية سالي عبدالسلام، : «لا بحبها ولا بكرهها معرفهاش أصلًا ولسه صغيرة، يعني معرفهاش خالص ومتقابلناش أبدًا، أنا لقيتها هي دخلتني في حوار إن هي كانت مرشحة معانا في مسلسل وإن أنا مشيتها، وأنا حتى كلمت باباها يوميها، وهو من أعز أصحابي كمان، وقالي يا منة أنا آسف وهخليها تكلمك وتعتذر لك، وهي كلمتني بصراحة البنت واعتذرت».
منة فضالي تابعت: «قالتلي أنا افتكرت إنك عايزة تتشهري على حسابي فقولتلها لا متفتكريش، لأن في ناس مش هتفهم كده، وأنا مكنتش أصلًا أعرف أنها كانت في المسلسل، كان مسلسل (وش تاني) السنة اللي فاتت واستغربت جدًا، لأنها هي راحت قالت إن منة اللي مشتني».
