علقت الفنانة المصرية زينة على براءة الفنان أحمد عز من تهمة السب والقذف برسالة نارية عبر «أنستجرام».
زينة قالت: «معلش بقي انا ماكنتش ناوية اعلق بس بصراحة كدبك اللي مالوش نهاية بيستفزني جدا…اولا مبروك برائتك من قضية السب والقذف في حقي ولو ان مبروك من تهمة دي مش حاجه تشرف اوي يعني انت ما اخدتش جائزة نوبل!! وكده كده ماكنتش هاسيبك تتسجن علشان ولادك مايبقاش ابوهم رد سجون …ارجع بقي من لندن اللي انت مستخبي فيها يا دكر مانخافش مش اما بقي لو جبت سيرة ولادك وقضية النسب دي تاني هايكون ليا تصرف تاني معاك وبالقانون».
الفنانة المصرية أضافت: «لان القضية دي اتقفلت لآخر يوم في عمرك بطل كدب وبطل تضحك علي الناس لان الناس مش هبلة وخلاص اتلهي في شغلك ومعجباتك اللي تعرفهم معرفة شخصية من قلتهم …. وكفاية بقي فلم محترم ده علشان ماحدش بيصدقه غيرك الناس عرفت حقيقتك وياريت تبطل تستغبي الناس …والاهم من ده كله لو كان تم الحكم عليك كنت هاحس ان ربنا بيحبك وبيكفر عنك في الدنيا ….لأكن الحمد لله حتي يبلغ الحمد منتهاه حسابك عند رب العالمين شايلهولك كله في الاخره ومافيش اعظم من حساب ربنا … وابقي روح لربنا قله اقسم بالله يارب اشوفك وانت بتتحاسب يارب».
وكان أحمد عز تقدم بمعارضة على حبسه 3 سنوات في تهمة سب وقذف زينة وتغريمه 15 ألف جنيه وإلزامه بدفع مبلغ مالي قيمته 20 ألف جنيه، الذي أصدرته محكمة جنح مدينة نصر، وذلك بعد أن أقام دفاع زينة دعوى أمام محكمة الجنح يتهم فيها عز بسب وقذف موكلته، والادعاء عليها كذبًا والتشهير بها.