مي كساب تكشف تعرض ابنتها لإصابة خطيرة.. تعرف على تفاصيل ما حدث
كشفت الفنانة المصرية مي كساب عن تعرض ابنتها “فريدة”، التي تبلغ من العمر شهور قليلة، لحادث سقوط، تسبب في إصابتها بكسر في عظمة الترقوة.
مي قالت: “ما كنتش عاوزه اكتب اي حاجه ولا أتكلم بس اتعودت إنكم جزء مني بافرغ اللي جوايا معاكم وبافرح بكلامكم الحلو اللي بيديني كل الطاقه الإيجابية اللي بتخليني قادره اكمل في الحياه امبارح كان يوم وحش قوووي اصعب من يوم وفاه امي”.
وعبرت عن إحساسها الشديد بالذنب، والذي شعرت به من قبل عند وفاة والدتها، بقولها: “اول مره هاقول الكلام ده في حياتي لما امي ماتت فضلت تعبانه نفسيا جدا وحاسه ان انا السبب انا اللي أخدتها واديتها الإشعاع وفضلت عايشه كتير بالإحساس ده بس الحمد لله ربنا كان حاضني جدا واداني إشارات كتير قوي تبرد قلبي وانا الحمد لله جريت ع الكعبه عشان أبرد قلبي وعملت عمره لامي وهديت خالص وقلت انا لله وانا اليه راجعون ده عمرها وانتهي لحد هنا”.
وروت تفاصيل ما حدث، قائلة: “امبارح كنت شايله فريده مشيت بيها بالظبط متر من الريسيبشن للجنينه كنت عاوزه اقعدها في الشمس راحت أيد الكرسي مفكوكه ووقعت ع الارض عشت اسود يوم في حياتي كنت حاسه كأني مجرمه مذنبه قلبي مش قادره أوصف عامل ازاي عينيه ما بتنشفش من الدموع عندها كسر في عضمه الترقوه يا قلب امك طب دي هتستحمل ازاي هانام ازاي الليل هيعدي علينا ازاي بس الف حمد وشكر لله عدي الليل وربنا رحمته واسعه الحمد لله قل لن يصيبنا الا ما كتب الله لنا”.
واختتمت كلامها بقولها: “ربنا يحفظ اولادنا الضنا غالي قوي الله يرحمك يا امي ربنا يقوي كل الأمهات والابهات علي تربيه ولادهم والحفاظ عليهم ربنا يقدرني ويحفظلي بنتي ويخفف عنها الالم بصتلي بصه امبارح بالدنيا كلها كأنها بتتكلم وبتقول لا يا ماما ما تعيطيش انا هابقي كويسه ربنا يحفظك يا نور عين ماما ربنا يرزق كل مشتاق”.
