نجل سعد الصغير يتعرض لحادث بسيارته الفارهة.. صور
يبدو أن نجل الفنان سعد الصغير قد تعرض للحسد، بعد نشره صور سيارته الفارهة مؤخرا، حيث تعرض لحادث سير خطير
نجل سعد نشر صورتين لسيارته كشفت عن تحطمها في الحادث، وعلق عليها بقوله: “الصحافة الحلوة فين بقى العربية اللي بتقولوا 4 مليون عملت حادثه علشان بس الكلام وخلاص علشان متعرفوش اي حاجة ولا تفهموا اي حاجة اكيد قصدي على اللي مش بيعرفوا يكتبوا بس الحمد لله قدر الله ما شاء فعل”.
وأرجع سبب ما حدث له إلى الحسد، حيث كتب على حسابه الخاص على موقع “انستجرام”: “بس العين فعلا وحشه وحشه يا جماعه علشان ننجح في حياتنا والله لو كل واحد ركز مع نفسى بس هنبقى أحسن بلد في العالم وأحسن ناس والله، الحمد لله على كل شيء”.
وكانت عدد من الصحف ورواد مواقع التواصل قد شنوا هجوما حادا على سعد الصغير وابنه بسبب نشره صور سيارته والتي قيل أن ثمنها يتعدى المليون جنيه، فدافع ابن الفنان عن نفسه مؤكدا أن هذه السيارة ليست ملكه من الأساس، وطلب من الصحفيين تحري الدقة قبل كتابة أي معلومة عن أي شخص.
وكان سعد الصغير قد عبر عن استيائه من هذا الهجوم، ودافع عن حق ابنه في امتلاك سيارة، بقوله: “انا مش عارف أعمل ايه أركب الواد عجلة عشان الناس تستريح، مش فاهم ابني ميجيبش عربية ليه، ربنا يبعد عننا العين، لازم نعمل لأولادنا كل اللي اتحرمنا منه”.
