سالي عبدالسلام تؤدي العمرة مع والديها وأشقائها.. وهذه دعوتها لله التي لم يحققها لها حتى الآن.. صور
سافرت الإعلامية المصرية سالي عبدالسلام إلى السعودية مع والديها وأشقائها، لأداء مناسك العمرة هناك.
الإعلامية المصرية نشرت مجموعة صور لها ولعائلتها خلال تواجدهم هناك وهم يرتدون ملابس الإحرام، وذلك على حسابها الخاص على موقع “انستجرام”.
سالي عبرت عن سعادتها الشديدة لتمكنها من ادخار الأموال لمفاجأة عائلتها بدعوتهم لرحلة عمرة، حيث قالت: “عملنا العمرة.. عرفت اجمع اهل قلبى واهل بيتى سوا بعد ٤ عمرات كل مرة محرم واحد بس ومتفرقين.. انا كان نفسى اعملكم حاجة حلوة ،كل واحد فيكوا انا من غيره ولا حاجة والله”.
وتابعت: “قعدت احوش و نويت وعملتلهم مفاجأة ودى اقل حاجة اقدر اعملها على كل حاجة عملتوها وبتعملوها.. فرحت بنفسى انى صممت اعمل حاجة وعملتها الله يخليكوا ليا ..اهل بيتى واهل قلبى”.
وكشفت عن دعاء دعت به لله في عمرتها السابقة لكنه لم يتحقق حتى الآن، حيث قالت: “يا رب.. قال وانا اللى كنت زعلانة عشان دعيت فى اخر عمرة ليا من ٤ او ٥ سنين انى اجى بزوج صالح العمرة الجاية انا وهو، زعلت وقعدت اشتكى لأبويا وقلت ربنا محققهاش ليا المرة دى وملقتش اللى ممكن اكمل معاه حياتى وانا اصلاً معايا حياتى!! رجالتى ابويا واخويا وكفى”.
وأضافت: “باشا نقفل على كدة؟! لا اخد فرصتى ربنا يخليكم ليا ويخليكوا دايماً راضيين عنى وفخورين انى على اسمكوا ..الرجالة الوحيدة اللى تفرح لما اسمى يجى قبلهم او يتقال انك اخ او اب سالى عبدالسلام.. اللهم ديمها نعمة واحفظها من الزوال”.
