إسراء عبدالفتاح تدافع عن نفسها: اخترت حمدي بكامل إرادتي.. صور
عبرت الفنانة المصرية إسراء عبدالفتاح عن استيائها الشديد من الانتقادات التي وجهت لها بسبب ظهورها في بعض الصور من حفل عقد قرانها على الفنان حمدي الميرغني وهي حزينة.
إسراء دافعت عن نفسها، مؤكدة أن هذا اليوم كان أسعد أيام حياتها، وأنها اختارت حمدي الميرغني بكامل إرادتها، حيث كتبت، على حسابها على “انستجرام”: “اهم ورقة مضيتها في حياتي..عمري ما حبيت غيرك.. احلي و اهم يوم في حياتي يوم ما بقيت مراتك ..اهم و احلي و اغلي لقب في حياتي ” مدام حمدي الميرغني ❤”.
وتابعت: “لكل الناس اللي بتقول اني كنت متضايقة و مكنتش مبسوطة، اقسم بالله انا عمري ماكنت مبسوطة ولا فرحانة ولا بضحك من قلبي غير في يوم كتب كتابي.. لكل الناس اللي انا مش فاهمة هما متضايقين ليه، ربنا يرزقكوا بحد يعملكوا اضعاف اللي اتعملي ويفرحكوا اضعاف فرحتي “.
واختتمت كلامها بقولها: “والناس اللي بتقول اني كنت مجبرة علي الجواز، ده الراجل اللي اخترته بكامل ارادتي اللي قلبي و عيني مبيشوفوش حد غيره .. ربنا يخليك ليا يا حمدي و يبعد عننا الناس اللي مش فرحانة بفرحتنا”.
يذكر أن حمدي الميرغني وإسراء عبدالفتاح كانا قد احتفلا بعقد قرانهما منذ أيام قليلة بمسجد المشير طنطاوي، وقد حضر الحفل عدد كبير من الفنانين منهم الفنان أشرف عبدالباقي ومحمد أنور ومصطفى خاطر ومحمد عبد الرحمن وسارة درزاوي وويزو وأس أس وماجد المصري ومحمد ثروت وسليمان عيد، وغيرهم.
