سما المصري تفضح مفيد فوزي بعد تحرشه بها لفظيا.. فيديو
صرح الإعلامي المصري مفيد فوزي، خلال استضافته ببرنامج “100 سؤال” أنه يرفض استضافة الراقصة سما المصري في برنامجه.
فوزي أوضح السبب، بقوله: “سما دي فلكلور، وكثيرة الثرثرة تحب أن تكون حديث المدينة، وكانت بالفعل لأيام، ليفيق الناس سريعًا، فهي عبارة عن 66 كيلو أجاد الله توزيعهم”.
هذه التصريحات أثارت غضب سما، مما دفعها لفضحه، حيث اتهمته بالكذب، مؤكدة أنه طلب محاورتها منذ سنة، حيث قالت: “عيب يا أستاذ مفيد لولا أنك راجل في سن والدي كنت رديت عليك رد ما طلعتش بعده على أي قناة بس أنا محترمة سنك وأن بنتك في سني تقريبًا”.
وأضافت: “أنت غير أمين يا أستاذ مع الجمهور وطلعت كدبت على الناس لما المذيعة راغدة شلهوب في البرنامج سألتك هو أنت ممكن تستضيف سما المصري في حوار تليفزيوني ورديت وقلت مستحيل ولما هو مستحيل كلمتني ليه من سنة بعد ما رجعت من هولندا وطلبت مني اطلع معاك في برنامج كنت بتقدمه على قناة دريم بعد ما أعلنت ترشحي للانتخابات من هناك، وأنا رديت عليك وقلتلك نأجلها لبعدين لما اخد قراري الأخير في الموضوع دا ولا نسيت المكالمة دي؟ أبقي اسأل المعد إلى كان معاك لو نسيت”.
وتابعت: “وكمان قولت إن وزني 66 كيلو أجاد الله توزيعها طيب تحب تاخد أي كيلو منهم طالما أنت فاهم أوي كدا في الكيلوهات.. وحضرتك قلت إني يومين وانتهيت لا يا أستاذ مفيد سما مبتخلصش والأيام اللي جاية هتثبتلك.. ابعد عني يا أستاذ مفيد عشان بجد ماينفعش ادخل معاك في سيجال وأنت قلت رأيك وقلت إني مش هقدر أحاكمك على رأيك فعلا مش هقدر أحاكمك بالقانون لأن دا رأيك وتكدب ما تكدبش دي حاجة تخصك وتدل على شخصيتك وأخلاقك لكن أقدر أحاكمك قدام الناس لأنك ما بتقولش الحقيقة”.
وعبرت عن استيائها من وضعه لها في نفس الدرجة مع صفوت حجازي، حيث قالت: “لما يوصل بيك الأمر تقارني بصفوت حجازي وتحطني في نفس درجته في نفس البرنامج يبقي عادي جدا لما أقارنك بياسر برهامي وأحطك في نفس درجته ودا رأيي وأنا برضو حرة فيه زيك بالضبط”.
