أول تعليق من أصالة بعد اتهامها بحيازة الكوكايين

خرجت الفنانة السورية أصالة عن صمتها بعد أزمة توقيفها في مطار بيروت، بتهمة حيازة مخدر الكوكايين.

أصالة وجهت رسالى لجمهورها، على حسابها الخاص على “انستجرام”، أكدت فيها أنها تعرضت للظلم لكن هذه المحنة كشفت لها محبة الناس لها، حيث قالت: “على قدّ ما كانت الساعات الطويلة الماضية قاسيه وصعبة.. على قدّ ما فرحت بالمحبّه وبالإهتمام وبالثقه اللي غمرتوني فيها.. ما تعوّدت بحياتي فسّر أو وضّح أو كون بمطرح المتّهم… مو بس لثقتي بنفسي بل لأنّي ومن عمري ست سنين وأصغر وأنا بين الناس وكتار كتير اللي اهتمّوا فيني، وكتار كتير اللي أضافولي وعلّموني”.

وأضافت: “ولا أبالغ لو قلت إنّي بحسّ بمسؤولية التعبير حتّى فيما له بالغ الأثر على أماني وأمان عائلتي، لأنّي ضمير هالناس اللي ما بيقدر صوتهم يوصل.. بيروت حبيبتي وتوأمي والناس اللي فيها بتساعدني وبتحبني أكتر بكتير من غيرهم.. أنا بحسّ حالي خلقت فيها وبعشق كلّ ذرّه من ترابها.. ومارح أزعل منها كتير لأنّه مالها ذنب.. شكراً لكلّ اللي ساندوني وساعدوني من كبار هالدوله اللي بيتعذبوا أكتر منّي ليضلّوا كبار”.

وتابعت: “وصلت اليوم بيتي تعبانه شوي ومصدومه شوي ومقهوره شوي ، بس كمان عندي أمل بالضمير وخصوصاً لمّا قريت بعض الرسائل لمن لاتربطني بهم مودّه ومع ذلك نفوا عنّي ماأُشيع ، والحقيقه هالشي فرّحني متل مافرحت بالكم الهائل من المحبّه والإهتمام اللي خفّف عنّي شعور الظلم اللي مارح أتعوّد عليه.. ما في شي اسمه صحافه صفرا بس فيه ناس صفرا بيشتغلوا صحافه، وكلامهم أنتو ردّيتوا عليه ، ومالحق يجرحني ، وسؤالي إلهم ( ليش لازم كون مُتّهمه وملوّثه ليكتب قلمكم عنّي؟ ممنوع كون حرّه؟ ممنوع طالب بالعدل؟ ممنوع كون بشر متل البشر اللي خلقهم الله ليكونوا جنب بعض ؟ )”.

واختتمت كلامها بقولها: “أملي ببكره أحلى كبير وأملي حتّى بالضمير اللي مات يصحى كمان مازال موجود ، وأنا كتبت لطمّنكم ، إنّي قدوه ووفيّه لثقتكم ومعكم عم بستنّى العدل يسود ، ومعكم عم كافح لنكون أحرار ، ورح أرجع بيروت لما بتشتقلي ، وتحميني قبل ما تظلمني”.

من هي أصالة؟

• هي مطربة سورية ولدت في مايو1969
• والدها هو الفنان الراحل مصطفى نصري.
• اكتشفها والدها والذي كان مغنيًا مشهورا بتلك الفترة، وتتلمذت على يديه.
• سطع نجمها منذ صغرها حيث بدأت الغناء وهي في الرابعة بالإعلانات على شاشة التلفزيون السوري
• تحمل الجنسية البحرينية إلى جانب السورية بعد مشاركتها في أوبريت “المحبة والولاء».
• تزوجت مرتين، الأولى كانت من «أيمن الذهبي» وأنجبت منه شام، و خالد، وانفصلت عنه سنة 2005 ، والثانية في 27 مارس 2006 من المخرج والمنتج فلسطيني الأصل طارق العريان الذي أنجبت منه توأم هما آدم وعلي القاهرة 2011.
• أطلق عليها لقب تاج الأغنية الخليجية لأنها تعد من انجح الفنانات التي غنت باللهجة الخليجية.

شاهد أيضا: نشطاء يبرهنون على براءة أصالة من تعاطي المخدرات بهذا الفيديو