روى شاهد عيان، كواليس اللحظات الأخيرة في حياة الفنان الراحل ممدوح عبدالعليم، الذي وافته المنية، مساء الثلاثاء، 5 يناير، داخل صالة الألعاب الرياضية بنادي الجزيرة الرياضي.
الشاهد اسمه جلال رأفت، كتب عبر صفحته الشخصية على موقع التواصل الاجتماعي «فيس بوك» قائلاً: «كنت في جيم نادي الجزيرة والفنان كان موجودا كالعادة، فجأة الناس بتجري عليه وأنا بتفرج على الماتش، مهتمتش أوي، قلت أكيد داخ ولا حاجة وقشطة، شوية لقيت المدرب جاي بيقولي الراجل مات.. بقوله أغم عليه يعني؟ قالي لا مات مات».
الشاهد أضاف: «ببص علي الجيم حواليا لقيت الناس بتتمرن عادي جدًا، دقيقة والمدرب قالي مين جاب الجول التاني للزمالك؟، ده بقى واحد عادي بيتمرن وبيموت، ولا عيان ولا في مستشفى ولا أي حاجة، في الجيم ومات، والحياة ماشية عادي، والناس حواليه بتتمرن وبتتفرج على الماتش.. رخيصة أوي أوي الدنيا دي».
